][`~*¤!||!¤*~`][قصيدة العدد][`~*¤!||!¤*~`][

جروحي.. لو حروف الحب تطفي بالحشى نيران=أبد ما كان به شاعـر يبـات بحضـن نيرانـه
لك الله من حروف الشعر يخلق داخلـي أنسـان=من أوهامه بهالدنيا عشـق لـه شبـه أنسانـه
خفوقي. لو خفوقي منـك يأخـذ نيّـة الكتمـان=لكنت أسعد من أطفـالٍ تعيـش العمـر فرحانـة
كم للشوق بعيوني بنيت مـن الجـروح أوطـان=بنيت من الهجـس دارٍ. دروب الـذات أوطانـه
دريتي يا رفيعة ليه؟ حيـاة الشاعـر الولهـان=شجن وأشواق. وآهاتٍ ودمـعٍ حـرّق أوجانـه
دريتي لأنجرح عاشق يعيش العمر في خسـران=وأتعس بنت من تجرح ولا تدري عـن أحزانـه
عطش.لولا عيون الشعر سهرت بظلمته عطشان=ولوما عيونك الكحلا تموت أحـروف عطشانـه
أنا مثل المطر لاجيت تـروى مهجـة الوديـان=ومن فيضّ العطا والبذل تزهـر روض حيضانـه
تجبرتي. وأنا اللي جيت من الذكرى من اللاكـان=أجل لولا الهجس ما جيت أقول الشعر لإنسانـة
جروحي.لو حروف الشعر تاقا من الجروح إنسان=لكنت أحيا بروح الشعر والبـس منـه أوزانـه