حـــــــــــــــيـــــاة الـــــــــــــروح ..قصه سعوديه جريئه رومنسيه...

البارت الــــــــــــــ 14 :
في الليل... حدود الساعة 8 ...

في بيت العايلة ...
الكل مجتمع في الصالة بأمر من الجدة ...

ريف و حلا و راما و نورة و لانا و لارا و عبير و جولييت و مارلين و كاترين و لين ...
كان فيه عضوة ناقصة...

الجدة بحزم : وين لمـــــــار ؟؟؟

لارا بطفش : طالعة ..

الجدة : ما عندها علم اني جامعتكم ؟؟؟

راما بهمس لنورة: لا عندها علم انك مدرَستنا ..
نورة :ههههه.. اشش لا تسمعنا ..
لارا : الا بس طلعت مع منصور...
الجدة : ايييييييه ... منصوووور .... ايه الله يسهل ...

راما بهمس لنورة : وش اللي الله يسهل ؟؟ بتدخل عمليات هي ؟؟
نورة:ههههههههه تورطت امي نورة و ما عرفت ترد ...

الجدة نورة : احم ...

الكل انصت و فتح اذانه لها ...

الجدة : انا اليوم جمعتكم انتم بالذات يالحريم عشان أبقول ان العادة اللي تصير كل سنة في العيد .... بتستمر هالسنة بعد ... أي- بدت تتفلسف- جمعة العايلة الكبيرة و الاقارب مثل كل عام ... بيجتمعون في بيتي... هالسنة ما راح يتغير شي..

ريف عقدت حواجبها : بس جدة ... انتي ناسية فهد ... و ناسية ان ماما و بابا ......

قطعت عليها الجدة : كـــــــل شي كان قبل ... بيظل على ما هو عليه ... و انتن – تأشر على ريف و راما- بتقومن مقام أمكن ... الاصول اصول ... و العادة المفروض ما نغيرها ...

راما بنرفزة: بس بالله شلون يجيك نفس تعزمين خلق الله و ولدك و زوجته و ولدهم ما يندرى عنهم في الغربة؟؟؟ ابي افهم شلووووووووون ؟؟؟

لانا : ولا تنسين ولد ولدهم الثاني...
الجدة أعطت نظرة حارة للانا...
ريف قرصت راما : بنت لا تكلمين جدتك كذا ...

الجدة باستهزاء : وراه يا حظي ما تكلمني كذا ؟؟؟ ناسية من تكون امها ؟؟؟ ناسية هي وش تربت عليه ؟؟؟ - تأشر على حريم عيالها- هاه .. خذي عندك نماذج ...

حلا بهمس لأمها : يمه خفي عليهم ... مو وقته ...

الجدة : آآآخ بس ...

راما سكرت عيونها و شدت عليهم و ضغطت على أسنانها بعصبية :
اناااااااااا متربية أحسسسسسسسسسسسسن تربية...

الجدة عصبت : أي تربية ؟؟ ما تشوفين انتي وش لابسة ؟؟؟ هااااااه ؟؟؟ وش ذا وش ذا ؟؟؟ وراه بطنك طاااالع ؟؟؟ وراه يدينك و كتوفك طالعات؟؟؟

راما قامت من مكانها و مسكت يد نورة معها و قومتها ..

راما بخبث و هي رافعة صوتها بتحدي ... : بنت بنتك ... امها ايييييييش؟؟؟ سعودية ... و ابوها اييييييييش؟؟؟ سعودي ... قبـــــــــيلية ... متربية ... وشوفي ايش لابسة ؟؟؟ فستان قصير ... هاااااااه .. ناظري ناظري ...
-همست لنورة- sorry bab
نورة كانت لابسة فستان قطن فوشي كوكتيل" بدون أكتاف" و قصير لين فوق الفخذ...
نورة بهمس : الله ياخذك ..

تركت راما يد نورة و طلعت من الصالة ...

طلعت من الفيلة و اول ما طلعت برا طلعت جوالها من جيبها ... دقت على جوال فرح بس ما ترد ..
دقت على البيت ...

راما تنتظر ...

جاها صوت رجال : الووو ...
راما : هاي أنكل طارق it’s rama
طارق : هاي راما كيفك ؟
راما : اوكي تمام .. و انتا ؟؟؟
طارق : تعبان من الحب ... و الشووووق ..
راما بضحكتها المبحوحة : ههههههههههاااااااااي... ايوه يا عم الله ينولك مرادك ... بس انا مو موافقة ...

طارق بضحكة : افاااا وراها عروستي مو موافقة ؟؟؟
راما بتفاجأ مصطنع : اوه .. لايكون كنت تقصدني ؟؟؟ طروووق انا بمقام بنتك يالشايب ايش حب و ما حب...
طارق بمزح : آآآآآآآآآآآه يا قلبي ...

راما :هههههههههههههههاااااااااي وين بنتك بس ؟؟
طارق يكلم اللي معه :لحظة... بندر وين فرح..؟؟

هنا راما بطنها عورها و ضربات قلبها تسارعت ...

بندر اللي كان منقهر من كلام طارق لراما و كان في قمة الغيرة قال بنرفزة : مدري...

طارق : اخس يالمعصب... آسفين يالحبيب... – رجع يكلم راما- راما ما أدري وينها بس يمكن في غرفتها ؟؟؟ جربتي على موبايلها ؟؟؟

راما تحك شعرها بتوتر : ايه بس no answer
طارق : ما أدري و الله ...

راما بتوتر و صوتها شوي و بيخونها : معليش أجي ؟؟

طارق بنبرة حنونة : أفا عليك أفا أكيد البيت بيتك ...
راما : اوكي مسافة الطريق و اكون عندكم ... باي...

سكرت السماعة بدون ما تسمع الرد و ركضت لبيتهم عشان تلبس و تتجهز...
في هاللحظة اللي كان مسيطر على عقل راما هو ...

قلــــــبها ...

.....................

أمريكا-كامبرج

في المستشفى ..

كانت تناظره و الدمعة على خدها جارية .. من يوم ما وصلت و هي ما وقفت بكي .. حتى زوجها اللي المفروض يكون هو اللي يصبرها بكى من يوم ما شاف فهد بهالحالة...
راحت و حطت يدها على راسه و قعدت تقرا عليه ...

في هالوقت انفتح الباب و دخل منه ابو فهد ..

نسرين ناظرته بس ما تكلمت معه لانها تقرا ...
ابو فهد راح و جلس على الكرسي بتعب و أسند مرفقه على يد الكرسي و حط يده على عيونه و وجهه شاحب...

كملت قراية و مسحت على راس ولدها و ابتعدت عنه ببطئ وراحت لناصر ...

نسرين جلست جنبه بهدوء و حطت يدها على ركبته .. : ناصر ..

فتح ناصر عيونه و ناظرها بهدوء :همممم..
نسرين وهي تبلع ريقها : حصل ايه مع الدوكتور؟؟

ناصر ابعد عيونه عنها و بهمس: ما صر شي..
نسرين :ازاي؟؟أمال الساعة و النص اللي فاتوا كنت فين؟؟
ناصر:أي كنت عنده بس ما قال شي ...

نسرين مسكت يدينه الثنتين:أسألك بالله ... ايه اللي حصل ؟؟

ناصر شوي و امتلت عيونه دموع ... ابعد نظره عن نسرين و تنهد ...

نسرين بلعت ريقها : أسألك بالله ... أسألك بالله ....
ناصر بصوت مبحوح : حلفتيني حلف ما بعده حلف...-سكت-

نسرين خافت و رفعت يدها لقلبها و اليد الثانية تهز فيها مرفق ناصر : حصل ايييه ...؟؟

ناصر : ............

نسرين باصرار و خوف : اتكلم ... ايه اللي جرا ؟؟؟
قام ناصر و جر نسرين من يدها معه و طلعوا برا الغرفة ...

في هاللحظة فتح فهد عيونه يدور بالغرفة ... تو قبل شوي حس بأمه تمسح على راسه ؟؟ وين راحوا ؟؟؟ رجع سكر عيونه بتعب...

..................
برا الغرفة ..

نسرين ماسكة كتوف ناصر و تهزها بخوف و هي تشوف عيونه تدمع .. :
مالك يا ناصر ؟؟ اتكلم أوول أيه اللي جرا ؟؟؟ ناصر ناصر – تهزه بعنف- نااااااصر...

نفض كتوفه من بين يدينها و ابتعد عنها و راح لجهة الجدار و اسند راسه عليه و سكر عيونه بقهر و عجز ...

نسرين ركضت وراه و صاحت من الخوف : ربنا يسترك اتكلم .. انا حموت من الخوووف ...

-همست بضعف- ناصر..

التفت عليها ناصر و بلع ريقه ... بصوت راجف و عيون حمرا و وجه شاحب :
مـــــاله .. علاج..

فهد .. ما .. – سكت يوم حس العبرة خنقته-

شهقت نسرين و حست بشي في قلبها يموت ... رفعت يدينها لقلبها و عصرت ملابسها... عقدت حواجبها ... نزلت دموعها بكل سكينة و وهدوء..

ناصر قرب من زوجته و حط يدينه على كتوفها و هو شبه يبكي :
نسرين الله يخليك ..... خليـ..... خلينا ما نضعف.... خلينا صا... صامدين... املنا بالله كبير .... بندعيه و هو ما يرد عبد(ن) دعاه ... الموت و الحياة بيد رب العالمين...

نسرين ارتمت في حضن زوجها اللي لف يدينه حولها ... همس لها في أذنها :
فهد محتاج لنا الحين ...

.................................................

في الشقة ...
قاعد على سريره و اللاب توب في حضنه و اوراق و تقارير منثورة حوله ... فجأة دق جواله ...

رفعه و شاف الرقم خارجي ...
رد بصوت مبحوح : الو ..
جاه صوت جدته الحنون اللي تزاعق : خــــــــــــــــــالد ..

ابتسم خالد : هلا هلا يمه نورة ...
الجدة : هلا بوليدي .. شلونك يبوي عساك بخير و وشلون عمك وزوجته ؟؟
خالد رفع صوته : بخير يا مال الخير و كلهم طيبين...

الجدة بصوت فيه العبرة : وشلون فهد ؟؟ عساه طيب؟؟
خالد : طيب طيب... الله يرفعه بالعافية...

الجدة : يا وليدي لا تدس عني شي ... علمني ان كان فيه شي(ن) كايد..

خالد يضحك و هو من داخله أبعد ما يكون للضحك :
ههههههه الله يطولي بعمرك انتي اول من بيدري لو فيه شي لاسمح الله ...

الجدة : اييييه ما أوصيك ... خذ خذ يا بوي بنت عمك تبي تحاكيك صجتني و هي تسحب السماعة من يدي؟؟

هنا خالد سرت رجفة في جسمه و اول من طرا على باله هي ريف ...
جاه صوت صغير بريء مرح : هااااااااي خلود...
خالد ابتسم بسخرية" يعني هي اللي ما عمرها دقت عليك .. بتجي الحين و تتلهف عليك شكلك تحلم"

خالد ارتاح نسبيا : هااااااي تالا .. كيفك ؟؟

تالا : بخير و انتا كيفك ؟
خالد : بخير ... و شلون اللي عندك ؟؟
تالا : كلهم طيبين .. خلود ابسألك سؤال ؟؟

خالد : ايوه ...

تالا : انت متى بتتزوج ريف ؟؟؟

...
...
...
...

خالد هالسؤال صعقه ... خلاه لا شعوريا تخنقه العبرة ... حس انه انقطع عن العالم ... سكر السماعة بدون ما ينتبه انه سكرها في وجه تالا ...

هالسؤال أيقظ في داخله ملايين الاحاسيس اللي حاول خالد يتناساها في الفترة الماضية... حس بقهر فجأة يسري في عروقه ... لا شعوريا رفع يده على خده و في حركة مفاجئة رمى اللاب توب من حضنه على الارض و الاوراق اللي كانت على سريره بعثرها في الهوا ... حس انه يفرغ شحنات الغضب من ريف على شحنات القلق على فهد .... سكر عيونه بقوة و تنهد من أعماق أعماق أعماق صدره ... انسدح على سريره و سكن جسده ... و عقبها راح في نومة الله العالم وش بيصير فيها أو وش بيصير...
بعدها ....

..................
الرياض..

في بيت ابو فهد ..
كانت في الصالة تنادي على الخدامة تكوي عبايتها..

شوي و يدخل بدر... طنشته ...
بدر : شفيك تزاعقين؟؟
راما ببرود: شي خاص فيني...

بدر انقهر : خاص فيك اذا رحتي غرفتك...اما في الصالة و تزاعقين ؟ خييييير؟؟
راما التفتت عليه و بنظرات باردة : تبي شي؟؟

بدر تنرفز: تكلمي زييييييين...
راما ببرود أكثر : انا اتكلم زين ... تبي اوريك شلون أتكلم شين؟؟

بدر باستهزاء: ايه وريني اشوف؟؟
راما بنرفزة و كأن أحد أعطاها الضوء الأخضر ترفع أصبعها بوجه بدر:
اوكي... انت مرة مغرور و شايف نفسك وبارد و متسلط و قاسي و ما تحب الا نفسك..اناني و كريه و استفزازي...
انت باختصار انت النقيض لفهد....
ليتك مكانه...
ليته هو المتعافي...

النقيض لفهد
النقيض لفهد
النقيض لفهد
النقيض لفهد
النقيض لفهد
ليتك مكانه...
ليتك مكانه...
ليتك مكانه...
ليتك مكانه...
ليتك مكانه...
ليتك مكانه...
ليته هو المتعافي...
ليته هو المتعافي...
ليته هو المتعافي...
ليته هو المتعافي...
ليته هو المتعافي...
ليته هو المتعافي...
ليته هو المتعافي...
ليته هو المتعافي...

تنفست راما بسرعة و كأنها كانت تركض ..
بدر حس هالكلمات ترميه من أعلى جبل لأعمق حفرة...
حس بشي بقلبه يعصره و يألمه و يحسسه بالنقص...

ناظرها بنظرة مو مفهومة لراما اللي كانت في قمة غضبها..
بدر بصوت أقرب للهمس: شكرا...

عطته راما مقفاها و طلعت من الصالة و اتجهت لغرفتها و دخلتها...
بدر حس ان ماله نفس للطلعة و ان نفسه انسدت ... راح لغرفته و دخلها...
اتجه لسريره و انسدح عليه و هو بس يفكر في كلام أخته راما عنه ...
....................

دخلت ريف على غرفة راما..
تفاجأت براما و هي تطلع من غرفة الملابس و لابسة ملابس طلعة ..

كانت لابسة بنطلون جينز فاتح و بلوزة من هارفي نيكلس شيفون كت و ياقتها على الستايل الاسباني... بألوان صارخة من الاحمر و الاخضر الغامق و البرتقالي و الكحلي... كأنها لوحة فنية ...

شعرها هالمرة سوته ستريت و رافعة غرتها و مقدمة شعره بطوق نحيف أحمر غامق و منزلة خصل من الجنب... كانت صابغة شعرها بني لون الكاكاو ... كانت متكحلة بكحل أسود من جوا و برا العين .. يعني مثل مراهقات أمريكا العرابجة – او كما تسميهم ريف الـ freakies- ..
لابسة كوتش من آرماني احمر غامق...
ريف بتعجب : واااااااااو ... وين بتروحين؟؟
راما بهدوء وهي تلبس الحلق اللي من بولجاري:فرح..

ريف :اهاااا ... متى بترجعين ؟؟
راما تهز كتوفها :مدري... –التفتت لريف- شرايك البس حلق ثاني ؟

ريف و هي تطالع اذان أختها .. : البسي اثنين زيادة كفاية..

كانت آذان راما كلها مخرقة ..

لبست راما حلقين زيادة من نوع اللي تجيك حلقة اما في الفتحة الثالثة فكانت كأنها بلورات فضية صغيرة ..

رشت من عطرها d&g و راحت لعبايتها و لبستها ..
ريف : بتطولين ؟؟

راما : ليش ؟
ريف : يمكن نطلع السوق...

راما : يمكن اجي وراكم ...
ريف :اوكي انتبهي لنفسك..

راما باست اختها و بعدين ناظرت عيونها بتأمل .. :
أحبك..

ريف هالكلمة هزتها من جوا ... مو من عادة راما انها تفصح عن مشاعرها بسهولة .. لا شعوريا ريف ضمت أختها ... ما تدري ليش قالت :
استني أبجي معك ..

راما استغربت بس استانست : ليش؟؟

ريف بابتسامة و هي تروح لغرفة الملابس حقت أختها :
ابي اشوف فرح بعد .. – سكتت و هي تدور بين ملابس راما – راااااما ما عندك و لا فستان بينك ؟؟ لالالا انتي لازم اليوم اشتري لك فساتين ورديات...
راما بضحكة : هههههههااااااااي... يختي البسي جينز و أي بلوزة و خلصنا ...

طلعت ريف و معها جينز غامق و تي شيرت أخضر مرسوم عليه باقز باني .. لبستهم و تكحلت ...
ريف : ابروح البس كوتش و اجيب عبايتي .. انتي انزلي تحت و خلي حسن يطلع...
راما: اوكي...

راحت ريف لغرفتها و طلعت كوتش من لويس فويتون أخضر مكتوب عليه من الجنب باللون الرمادي على لون جسم باقز باني لويس فويتون و طلعت عبايتها و لبستها مع شنطتها اللي من لويس فويتون...
طلعت من غرفتها و نزلت تحت للدور الاول...
لقت راما راكبة السيارة ... راحت هي و ركبت السيارة و طلعوا ...

...............................

في نفس المجمع بس في بيت ثاني ...

قامت من الكنبة بطفش ...
مسكتها لارا : وين لانا ؟؟
لانا : بروح لغرفتي .. تبين شي ؟؟

قامت لارا و وقفت قدام لانا : لانا انتي فيك شي ؟؟
لانا هزت راسها بنفي:لا ..

لارا بحنان: طيب ليش اشوف في عيونك حزن ؟؟
نزلت لانا راسها ...

نورة : لانا .. ترا المثل يقول .. من باعك بمكسب ... بيعه براس مال ...

لانا تنهدت و جلست على الكنبة و جلست جنبها لارا.. : بس .. مو قادرة أتحمل ... ملييييييت و انا ما أدري ليش ... و ايش اللي صار ...

حلا جلست جنبها مع الجهة الثانية : لانا احنا تكلمنا مع بعض في الموضوع هذا قبل... و اتفقنا انك تنسين هـ....

لانا رفعت يدها قدام فم حلا كأنها تطلب منها انها ما تتكلم : لاااااااا .... مقدر مقدر ... – رجف صوتها – انتي تبيني اموت ... مقدر أنساه مقدر....

-قامت من مكانها- انسى روحي و حياتي... و لا انساه ...

نورة : بس انتي تكلمين و تواعدين غيره ؟؟؟

لانا:...........................

نورة قامت من مكانها و راحت قدام لانا .. لارا حطت يدها اليسار على كتف لانا اليمين و حلا حطت يدها اليمين على كتف لانا اليسار...

نورة بصوت هادي : شلون تحبينه ... و تواعدين غيره ؟؟

لانا:..................

نورا ابتسمت : يا لانا انسيه تراه نساك ...
لانا هزت راسها بنفي : لالالا ...... ما نساني...

نورا ترفع عيونها فوق كأنها تفكر:
اممممم ... صح دق عليك .. و جا و خطبك .... و انتظرك .... احترمك و ما هزأك ..... اشوفه يراكض ورا خالي عبدالله عشان يتزوجك بأسرع وقت...

لانا:.................................

نورة : لانا .... صدقيني.... الحب .... شي مو موجود الا بالحياة الثانية ... في الجنة .... هنا ....
– تأشر بإصبعها على الارض- على هالارض....
– بحركة دورانية تحرك أصبعها- في هالكوووون ....
– بيدينها تلوح بنفي- ما في شي اسمه حب...
بدال ما تضيعين وقتك في الحزن و الندم على ما فات...
و شلون توصلين لهزاع مرة ثانية .... فكري بالأهم ...
كيف ...
تقدرين تخلينه يندم ....
على اليوم اللي تركك فيه ... ؟؟
و الكلام موجه لكم انتم بعد ...
لارا و حلا بصدمة: احنا ؟؟؟!!
نورة تكمل و هي تناظر أظافرها و بفلسفة : يعني ... حلا اتصرفي مع مشاري... و لارا – التفتت عليها- بدر ... عمره ما راح يحس....
– تهز كتوفها بلامبالاة وسط ذهول البنات الثلاثة-
يعني .... بدال ما تفكرون ثلاثتكم بالأشخاص اللي سببوا لكم ألم ....
خلوهم يفكرون هـــم فيكم .... في البنات اللي أذنبوا في حقهم ....
- بكل ما تحمله كلمة تهجئة من معنى ... تكمل نورة و عيونها مليانة اصرار استشعروه البنات بشكل حمسهم و أثارهم-
بمعنى ثاني.... صحوا ضمائرهم الغافلة ....
لانا:..........................
حلا:..........................
لارا:..........................

تراجعت نورة و راحت جلست على الكنبة و رفعت الريموت و قعدت تغير في القنوات و البنات من الذهول و المفاجئة مو قادرين يتحركون ...
.............................................

في نفس المجمع بس في بيت ثاني ..

كانت جالسة جنب جدتها و سرحانة .. التفتت عليها الجدة و ابتسمت وهي تحط يدها ورا ظهر حفيدتها ...
الجدة: يمه تالا وش فيك ..؟
تالا و هي تطلع أصبعها من فمها عقب ما كانت مدخلته و تمصه : ماما نورة ... ليش ماما و بابا سافروا و ريان معهم و انا ما أخذوني ؟؟

الجدة بحزن : عشان .. عشان .. آآآآ .. اشتاقوا لفهد وراحوا يشوفونه...

تالا : بس انا بعد اشتقت له ...

الجدة بحنان : بتشوفينه يا حبيبتي ..

تالا : متى ؟؟

الجدة : اذا ربي كتب .. ابروح انا وياك وراهم و كلنا نروح نشوفهم... زين ؟؟

تالا بهمس: زين...
رجعت تالا تسرح مرة ثانية....
الجدة استغربت سرحان تالا و سألتها : وش فيك يا حبيبتي؟؟
تالا بهمس : ماما ..

الجدة بابتسامة: يا هلا ..
تالا رفعت عيونها لجدتها : ليش خالد لازم يتزوج ريف ؟
الجدة استغربت من تالا و أسألتها الغريبة : عشان .. عشان هو .. آآآآ .. يحبها ..

تالا نزلت عيونها و تمتمت بكلمات مو مفهومة للجدة ..

الجدة بحنان قربت أذنها من تالا و انصتت للي قالته ..

الجدة : وشو يا حبيبتي ؟؟
تالا عادت كلماتها و هالمرة الجدة أكيد سمعتها ..

تالا : يحبها هي و الا ريف ؟ أي وحدة فيهم ؟

الجدة انصدمت و رفعت عيونها لتالا : وشو ؟؟منهي؟؟

تالا ناظرت الجدة بنظرات اللي (أرحمك لأنك ما تفهمين شي) ابتسمت و كأنها أقوى انسانة على وجه الارض لأنها تعرف شي محد يعرفه... دخلت يدينها في جيبها و طلعت ورقتين متعفطات..
مدتهم للجدة ..
مسكتها الجدة و بيدين راجفة شهقت من الصدمة :
وجــــــــــع ..
مستــــــــــــــــــــحيل...
خــــــــــــــالد..

لالا ما أصدق ..

التفتت لتالا : من وين جبتي هالصور؟؟

تالا بخوف : من عند ريف و الله آسفة مو قصدي أسرقها بس كنت بوريها خالد..

الجدة قامت من مكانها و معها الصور و مشت لغرفتها و دخلت و سكرت الباب...
تالا:؟؟؟؟؟؟؟؟؟؟؟؟؟؟؟؟؟؟؟
..............................

في بيت ثاني من بيوت الرياض....

كان منسدح في غرفته و يفكر و سرحان ... فجأة دق جواله و رفعه و شاف المتصل .. تأفف و رد بنفس شينة :نـــــــعــــــــــم !!

جاه صوت أخته لولو :نعامة ترفسك قل آمين ... الله يلعنك يا حمار رصيدي صفر .. انت ما تقولي وين تودي هالفلوس ؟؟ لا يكون ناوي تفشلنا و تخطط لوحدة من قرابيعك اللي بتوديك في داهية و تسود وجيهنا؟؟؟

راكان سكر عيونه و عد لين عشرة عشان ما يعصب لانه محتاج لولو:
معليش محتاجهم ... ابردهم لك اذا صار معي مبلغ..

لولو بزعاق: انت تضحك علي و الا تضحك على نفسك هاه ؟؟؟ من جدك انت ؟؟؟ تكفى بس قول انك تمزح ... قول قول .... الـ30 ألف وين؟؟ و الـ 25 ألف ؟؟؟ و الـ 40الف؟؟؟ حسااااااااااااابك كله على بعضه 180 ألف من يوم ما طلعت من الزريبة اللي كنت فيها الى اليوم ؟؟؟؟

راكان : معليش ابردهم لك ...

لولو : الله ياخذ وجهك ....

و سكرت السماعة في وجهه ...

تنهد راكان و النار بتاكل صدره ... اهانات اهانات اهانات طوووول الوقت .. بس هــــــين ... هـــــــــــــين ... و الله لأخليكم كللللللكم تدفعون الثمن غالي ... و الله ... و أول من بيدفعه هو انتي ...
انتي يا..
حــــــلا...

..................................
في الوزارة...
كان يشتغل و منهمك في أوراق القضية اللي هو ماسكها الحين..
طل عليه مديره: مشاري.. تعال لمكتبي...
رفع مشاري راسه و مسح على رقبته و قام ... مشى لمكتب مديره و أول ما دخل ..
أدى التحية العسكرية ...
مشاري:تمام سيدي..
العميد: مشاري ... وش أخبار شركتك؟؟
مشاري ابتسم : طال عمرك الموضوع ماشي مثل ما تحب... في الاوراق اللي لازم توصل للجهات المعنية الشركة باسمي.. اما بالنسبة للأوراق الرسمية فكل شي باسم الوالد...
العميد: ممتاز .. أي أخبار عن قضية السياح الألمان؟؟
مشاري : طال عمرك التحقيقات جارية و بإذن الله في غضون أسبوع الموضوع بينتهي..
العميد:امممممم...
مشاري:...........
العميد:............
مشاري:..........
العميد: مشاري...
مشاري: سم طال عمرك..
العميد: اجلس أبيك في موضوع مهم ...
مشاري جلس..
العميد عقد حواجبه و مد يدينه على الطاولة و تنهد:
آآآآآآآه...مدري شلون أبد هالموضوع..
مشاري توتر بس قال بصوت واثق:
من وين ما تحب طال عمرك...
العميد رجع راسه على الكرسي و عيونه متجهه لفوق:
زوج بنتي........................................زوج بنتي..
مشاري توتر و حس أنه ضايع:
شفيه طال عمرك؟
العميد تنهد و قام من مكانه و راح لنافذة المكتب و جلس يطالع شوارع الرياض المنورة بمختلف الألوان في وقت الليل مما يشكل صورة جمالية رائعة تشد الانتباه و تبعث على التأمل...
العميد بعد صمت:
زوج بنتي ما طلع زوج بنتي...
مشاري:؟؟؟؟؟؟؟؟؟؟؟؟؟
مشاري:
طال عمرك ممكن توضح لي أكثر..
العميد عض على شفايفه و مسح على حواجبه و التفتت على مشاري:
جاني يطلب يدها ... انسان تاجر عنده شركات و بنفسي رحت لها و شفتها...
يتيم.. وحيد... بنى نفسه بنفسه... اسمه ريان...ريان سعود العبدالله... لا عم و لا خال...
زوّجته بنتي لِما شفت فيه من أخلاق...وثقت فيه... و سلمته أغلى ما علي...
بنتي نوف....
اللي مالها الا شهرين متزوجة ...
-سكت و بلع ريقه و غمض عيونه -
اكتشفت من يومين ... أنه مو هو ريان سعود العبدالله...
و انه واحد ما يملك شي... و لا حتى تراب شركة...
ما عنده أبد أي شي...
و مو يتيم...
صحيح والده متوفى... لكن ... والدته و أخته على قيد الحياة...
عنده أعمام و عنده خوال...
و اسمه راكان محمد البن حمد...

مشاري انصعق لما سمع الاسم و بصوت مبحوح: م م مين؟؟

العميد: راكان محمد البن حمد...

مشاري انشد عرق في خده...

العميد: و اكتشفت أن له ملف إجرامي في سجون الحاير ...
و ان له سوابق في السرقة و الاختلاس و ......... المخدرات...
و بعد ....
...
...
...
...
في التعاون مع جهات خطيرة تهدد أمن الدولة ....
.................
مشاري حس بصدمة لا تعادلها صدمة ....
"راكـــــــــــان...ماغيره...مو معقول .... لالا...مستحيــــــــل... وليش مستحيل؟؟ راكان توه طالع من السجن... و بتهمة المساعدة على الاختلاس... بس ليش كل هالتهم موجهه ضده ... معقووووووولة..."

العميد:مشاري..
مشاري انتبه و التفت على العميد...
العميد:انا قلت لك الموضوع و أبي مساعدتك ...

مشاري قام من مكانه و اتجه للعميد و حط يده على كتفه:
طال عمرك أنا كلي تحت أمرك... آمر...
العميد:...............................
.................................................. ..................

في السيارة ...

ريف و هي ماسكة يد راما و تسويلها مساج .. ريف: راما ..

راما:امممم..

ريف : شرايك بكلام امي نورة اليوم ؟؟؟

راما :بصراحة مالها داعي ...
ريف : يعني و الله حاز بخاطري اخوي تعبان و امي و ابوي مسافرين و احنا نسوي عيد و طرب و عزايم و دنيا... يعني ما في احترام لمشاعرنا ؟؟

راما بابتسامة سخرية : أي احترام و أي مشاعر ... من يوم عمي عبد العزيز تزوج جولييت و المشاعر مالها أي معنى ...

ريف : و انتي شدراك يا عريفة زمانك؟

راما: عمو عبادي يحكي لي ...و كان بعد يقول لي عن قصة حبه لكاثرين ... و كيف تقابلوا ..؟

ريف ابتسمت : والله !! و كيف ؟؟

راما و هي تسحب يدها من يد ريف و تمد يدها الثانية : يقول كان رايح عشان جدو حمد مرسله لشغل في أسبانيا ... يقول و بنت صاحب الشركة اللي هو رايح عشان يتعامل معها كانت كاترين... يقول كانت هي مديرة مكتب أبوها .... يقول يوم عن يوم بديت أستلطفها ... و بعدين حبيتها ... و صارحتها ... ههههههههه يقول يوم صارحتها و تقوم تبوسني...

ريف شهقت بضحكة :ههههههههه باسته من جد ...

راما : يختي هذي حركات الحب عند الأجانب .. يقولها أحبك و بعدين ..... يعني مو احنا اذا قلتي أحبك ان كان مررررة رومانسي راح و ضمك و الا باس جبينك او خدودك ... هههههههههههههههه من جد يوم قالي عمو عبادي عن اللي صار كانت خدوده حممممممممممممرا ....

ريف : ههههههههههههههههه .... و الله حركااااات ... بصراحة ما أتخيل عمو عزو او بابا يسوونها ... بس عمو سعود يمكن ...

راما : هههههههههههههههه اتخيل عمو عزو يسويها .. ياااااااي مرة فله .. على الاقل هالصخرة عنده شي رومانسي...

ريف : حرام علييييك عمو عزو مو صخرة بس يمكن المسؤولية اللي عليه و انه دايم يحس أمه زعلانة منه و في نفس الوقت يحب زوجته ...
راما : يوووووه هالام عاد مرة ما تبي عيالها يتونسون ...

ريف ناظرت قدام و فجأة فحطت السيارة ...

شهقت ريف و صرخت برعب :
حساااااااااااااااان انتبــــــــــــــــــــــــــــــــــــــــــــــ ــــــــــــــــــــــــــه.....

كملت ريف هالكلمة و عقبها صرخوا البنات من صوت الارتطام اللي حصل...

..........................

في هالوقت في أمريكا..

قام من النوم مفزوع ... و هو حاس بقلبه بيطلع من بين ضلوعه ... كان يشاهق و النفس ضيييييق و حاس الأكسجين بيخلص من الغرفة ....

.....................

في نفس الدولة بس في مكان يضم ثلاثة أشخاص...

فتح عيونه فجأة...

فزت من جلستها و يدها على قلبها....

أما ناصر فما حس بشي ...

فهد : يمه ..

انتبهت نسرين لفهد و قامت له بس في قلبها ضيقة ...

فهد بصوت مبحوح : دقي على خواتي و اطمني عليهم...

نسرين و كأنها تشوف كلام فهد تأكيد للي حست فيه...

رفعت تلفونها و طلعت برا الغرفة عشان الارسال...

دقت بس كان التلفون مشغول...

دقت على جوالات البنات مافي رد...

هنا ....

جاها صوت خالد ....

خالد بلهفة : خالة... فهد كويس؟؟

نسرين التفتت عليه و انصدم خالد .. شاف دموع على خدود نسرين..

خالد بخوف :وش صااااااااار؟؟؟

نسرين تمسح دموعها: لالا مفيش حاقة .. بس عمّالة اتصل على البنات بس مفيش أي رد....

ارتاح خالد شوي على الاقل فهد ما فيه شي... ابتسم و قال :
يمكن بعيدين عن التلفون...

نسرين تهز راسها بنفي :
و حتى موبايلاتهم ما بيردوش...ريف مش ممكن تمشي بدون موبايلها ...

خالد بلع ريقه :
يمكن ... يمكن عندهم شي ؟؟

نسرين :
انا ألبي آرصني ...

خالد راح و ربت على كتف نسرين :
ما فيهم الا العافية ان شاء الله ....

ابتسمت نسرين :
يـــــــــا رب ...

ابتعد خالد و راح لغرفة فهد ...

دق الباب و دخل بهدوء...

التفتت على فهد و استغرب انه معقد حواجبه ... شكله متضايق من شي...

راح خالد وابتسم و باس جبين فهد ... بهمس : شلونك؟؟

فهد بابتسامة : بخير ..

خالد بحنان و هو حاط يده على راس فهد: فهود شفيك؟؟

فهد يلف براسه يبعد يد خالد عنه: مدري بس احس قلبي مقبوض...

خالد عقد حواجبه : ليه؟

فهد سكر عيونه و هز راسه بنفي: مدري بس احس اللي هناك فيهم شي...

خالد بلع ريقه و ابتسم بصعوبة : لا ان شاء الله ما عليهم شر ..

فهد تنهد : يا رب ...
خالد في قلبه " يارب"
.................

في السعودية...

فتحت عيونها و هي تحس راسها يعورها... شافت قزاز منثور على عبايتها من آثار الشباك اللي كان جنبها... رفعت يدها على جبهتها على المكان اللي يعورها و مسحته و شافت دم ... رجلها بعد كانت تعورها و حست ان كاحلها التوى... التفتت شافت راما معقدة حواجبها و ما سكة يدها و خدها يصب منه دم.....
ناظرت السواق لقته نازل من السيارة و يهاوش..

ريف بصوت تعبان : راما ... انتي بخير ...

راما بصوت تعبان هي الثانية : ايه بس يدي تعورني...

ريف : وجع وش ذا اللي صدمنا فيه ؟؟؟

راما فتحت عيونها و ناظرت قدام و شافت ولد مراهق يعني عمره 19 و يهاوش...
الولد : انتا ما في شووووووف انت حمااااااااااااااار...

حسن : كداب انا كنت امشي ثمانين..انت في سرعة واجد ...
-شوي و يتجمعون الناس-

الولد : الله يلعنك و يلعن اللي استقدمك و يلعن اهلك يا حمااااااااااار... شف السيارة خربتها و انا توني شاريها .... الله يااااااااخذك ... يا حماااااااااار...

راما عصصصصصصصصبت و وصل عندها الامبير لين الف مسكت طرحتها و لفتها على راسها و تغطت و نزلت من السيارة ...

راما بصوت عالي : ما حمار الا انت يا البزر ... كبر العلبة و تسوق .. انت المفروض سيكل و يخب عليك.. و لا تلعن اللي استقدموه الله ياخذك ... ما تشوف انت ؟؟ الغلط عليك و راكبك من راسك لين رجولك و مالك داعي تهاوش .. تراك بتصلح السيارة و بتدفع تكاليف الاضرار رضيت و الا ما رضيت ..

الولد :ما بقى الا البزران يتكلمون .. روحي روحي الله يستر عليك مالي كلام مع بنات انا... و ما تعودت امد يدي عليهم...
اذا انتي ما تربيتي انا متربي....

ريف نزلت من السيارة و مسكت راما و همست :
راما امشي بندق على بدر ما عليك منه.. لا تردين عليه..

راما بزعاق:
انا متربية احسن من تربية اللي ربووووووووووووووووووك..
ربوك اباليس في جهنم قل آمين ..

الشباب و الرجال اللي مجتمعين كانوا منصدمين من جرأة راما...
الولد : لا حول و لا قوة الا بالله ...

راما : ايه حوقل حوقل ... و الله لأخليك تحوقل على سيارتك المخيسة محوقل المساكين... فرحان بالخردة اللي معك انت ... بس شقول .. كفوك هالونيت ابو غمارة ... يسواك .... اصلا ....-تمد يدها لحسن- حسن هات تلفونك...
حسن اعطاها الجوال... مسكت راما الجوال و فتحته و بحركة غير متوقعة صورت السيارة و صورت الولد .... ضغطت على الصور و سوت كذا حركة و في النهاية سكرت الجوال ....

الولد كان مصدوم: هييييييييه انتي يا بنت الـ...... وش تسوين؟؟؟؟

راما : اسمع انت يالعلبة .... كل تراب و انكتم ... كلمة زيادة و احلف بالله ان صورتك و صورة هالخردة منشورة بالنت و بالايميلات و كلها ثواني و تجيك صورتك .... بـــــــــــعد ما بقى الا القراوة يتكلمون على اهلي و يسبون... انت روح تعلم شلون تتكلم بعدين تعال اصدم بنات خلق الله... و اعرف مرة ثانية مين تسب و على مين تتطاول...

ريف:.............................

راما مسكت الجوال و دقت على السواق الثاني محيي...
راما : محيي تعال لـ - تكلم حسن- هذا أي شارع ؟؟؟
حسن: شارع .......

راما : تعال لشارع الـ..... بسرعة ...

محيي: طيب عمتي..
سكرت راما الجوال و أعطته لحسن و القت نظرة اخيرة على الولد اللي كان شوي و يصيح...

ركبت راما السيارة و وراها ريف اللي ما عرفت تتكلم ... كانت مبهورة بأختها و مصدومة بنفس الوقت...

ريف: راما... يا جرئك...
راما متضايقة الالم اللي في يدها مو مخليها تركز فتشت عشان تبي تتنفس: ايه ايه...

ريف نطت جنب راما : انتي خبيثة .. ابليس يخاف منـ...

راما سكرت عيونه و نزلت دمعة...

ريف تروعت : راما وش فيك؟؟

راما بصوت باكي : يدي يدي تعورني ....

ريف رفعت يد راما ..
راما صرخت : آآآآآآآآآآآآآآآآآآآآآه...

ريف دمعت عيونها : طيب طيب الحين يجي محيي و نروح المستشفى ...

جلسوا شوي و بعدين جا محيي...

الولد كان منقهر ... و ميت من القهر بعد ... بس يوم شاف البورش كايين اللي جاية خق عليها ....
الكل اصلا اللي متجمعين خقوا عليها و عرفوا ان هذولي بنات شيوخ و كباريه...

نزلوا البنات و راحوا للسيارة ...

....
ريف: محيي روح لمستشفى المملكة... روح لطوارئ...
محيي: طيب عمتي ...

ريف طلعت جوالها و شافت مسد كولز من برا بس ما بغت تدق عليهم....
و دقت على بدر ..

بدر : هلا ريف
ريف : بدر سوينا حادث...

بدر شهق و انتفض من مكانه : وشووووووووووووووووووووو؟؟؟

ريف خنقتها العبرة : ايه خلينا حسن عند السيارة في شارع الـ........ و جانا محيي و رايحين للطوارئ ...

بدر بخوف : ليش ؟ وش فيكم ؟ هاه ؟؟ من متعور ؟؟؟

ريف بصوت باكي : راما راما ..

بدر بلع ريقه : أي طوارئ؟؟

ريف: المملكة ...

بدر : خلاص انا جايكم الحين..

ريف : و السيارة؟؟

بدر: أي سيارة .. انتم اهم عندي ..

سكر بدر و ريف توها تصيح من الخوف و الروعة و الصدمة ...

فجأة دق جوال راما .. طنشته ريف...بس رجع يدق مرة ثانية...
راما بصوت تعبان: ريف مين؟؟
ريف تطالع الجوال:فرح...
راما: ردي عليها و الا ترا بتقلق...

رفعته ريف و هي تبلع ريقها و تتنحنح : الو..

فرح : هاي ريف ؟؟ وين راما ؟؟

ريف : اهلين فرح .. معليش راما ما تقدر تكلمك الحين ...

فرح : ليش مشغولة ؟ بس هي كانت بتجيني و اتأخرت ...

ريف بكت...

فرح تروعت : رييييييف وش فيكم ؟ راما فيها شي؟؟؟

ريف : لا بس صار لنا حادث في الطريق و راما تعورت شوي...

شهقت فرح : اااااااااااايش؟؟؟

ريف : باي فرح وصلنا المستشفى...

فرح : للحظة .. أي مستشفى؟؟؟

ريف : المملكة.. باي..

سكرت السماعة بدون ما تنتظر رد فرح...
راما و هي تنزل من السيارة: يعني ما عرفتي تقولين لها أي عذر... على طول خقيتي كل شي...

ريف و هي تعرج عشان رجلها مرة تعورها: مو وقتك الحين ...
دخلوا للطوارئ...
...............

في بيت طارق..

بعد ما سكرت من الجوال لبست عبايتها و طلعت من الغرفة و ركضت في الدرج...

وصلت للصالة اللي تحت و كان طارق و بندر موجودين...

فرح و هي تصيح : بااااااابااااااااا...

فز طارق من مكانه : وش فييييييك؟؟؟

فرح حضنته : بابا راما سوت حادث...

رمى بندر جهاز الريموت من يده و ركض لفرح :اييييييييييش؟؟؟

فرح تشاهق : تقو...تقول .... ررر... ريف .... انه....انها.... تت... تت... تعووووورت...

طارق ضم بنته : لا حول و لا قوة الا بالله...

فرح تمسح دموعها : بابا ابي اروح لها ..

طارق: وين تروحين لها يا بنتي ؟؟

فرح : مالي دخل ابي اروح لها...

بندر بلع ريقه : أي مستشفى طيب؟؟؟

فرح : في المملكة...

مسك بندر يد فرح و ركض بها برا الفيلة و نزلوا من الدرج و راحوا لسيارة بندر و ركبوها ... شغلها بندر و فحط فيها في الحوش و طلع من الفيلة....
..........................

في المستشفى...

دق جوال ريف و ردت...

ريف بتعب: الووو...

حلا:هاي .. يله متى بتجون بنروح السوق..

ريف: روحوا انتوا احنا ما راح نروح..

حلا:ليييييش؟؟حرام و الله بنوسع صدورنا ...

ريف ما حبت تقول شي لحلا ..: لا بس راما ودها تجلس مع فرح شوي..

حلا: اووووكي .. بس شوفي لو تبون تجون علميني عشان اقولك احنا وين ..

ريف: اوكي باي..

حلا: باي...

..............

شوي و يجي بدر و وجهه شاحب ...

ريف اول ما شافته ركضت له و هي تعرج و حضنته ...

بدر: خلاص ريفووو ما صار الا كل خير....

ريف تصيح: بدر ... و الله شي... شي يخ..يخوف...

بدر يمسح على راسها : عارف .. بس الحمد لله جت سليمة أشوف... – بعد عنها و شاف غرزة في جبهتها - يله بس غرزة وحدة ... الحمدلله...

ريف بدلع : لا و رجلي بعد يقول الدوك انو جاها كدمة مدري ايش..شوف ربطها و قالي اشتري عصاية(عصا)

بدر ضمها:ههههههههههه... آآآآآآآآآآآآآآآآآه الحمد لله انكم بخير ...
لحظة...
-بعد عنها-
وين راما ؟؟؟

ريف دمعت عيونها : راما جوا ... لها وقت ما طلعت...

بدر : طيب خليك هنا انا بدخل عندهم..

طق بدر الباب و دخل ...

شاف راما و هي معقدة حواجبها و وجها أصفر و خدها مخيط بغرز و النيرس بتحط عليه البلستر(لزقة الجروح).. و يدها كانت مجبسة و محمولة في رباط أزرق ...

بدر خنقته العبرة عليها ... راح عندها و اول ما وصل لها مسح على شعرها و هي على طول نزلت دمعتها...

النيرس: يا عيني ع الدلع ... دي لما كان الدكتور يعمل لها الغرز ما بكتش.. مش زي أختها اللي عملت فضيحة ههههههههههههههههه.. ليه الدموع يا قميل...؟؟؟...

راما رفعت يدها و مسحت دمعتها...

بدر: نيرس وش فيها راما؟

النيرس: تأدر تروح للدكتور مساعد و تسأله... هو اللي عمل لها التقبيرة(التجبيرة) و الغرز...

.. خلصت النيرس و طلعت ..

راما عيونها كانت في الأرض و سرحانة ... لو فهد مكان بدر كان انا الحين في حضنه و أصيح و أطلع كل اللي في خاطري... بس هذا مابيه ... مابيه... ليته مكان فهد .... لـ..

انقطع حبل أفكارها و انصدمت يوم جا بدر و ضمها بقوة و راسها على قلبه تسمع ضرباته ...

بدر بهمس: و الله خفت عليك...

راما خنقتها العبرة ... ما تحملت ... حاولت تصير قوية بس ما قدرت .... فجأة شهقت و نزلت دموعها و بكت ....

بدر بحنان : اوووووش خلاص رومي خلاص انا هنا معك ... خلاص...

راما و هي تبعد عنه: آي عورتني...

بدر بابتسامة : آسف ... يله امشي نطلع انا بروح للدكتور و انتي خليك برا عند ريف...

راما هزت راسها ...

طلع بدر و وراه راما اللي من شافته ريف صارت تمشي و هي تعرج بسرعة لراما...

راما :هههههههههههههه...
ريف يوم وصلت لها: خير وش فيك؟؟ليش تضحكين؟؟

راما: لا بس شكلك يضحك و انتي تعرجين...

ريف دمعت عيونها: يا سلاااااااااااام .... شكلي يضحك هاااااه.... شكرا مرررررة شكرا...
و ابتعدت عنها و انقهرت...

راما ترفع يدها و تحطها على كتف ريف: و ربي سوري...

ريف توخر كتفها عن يد راما: مابي مابي...

جاها محيي و معاه العصا اللي اشتراها.. كانت من النوع الفضي اللي فيها مسكة من فوق تدخلين يدك منها...

مسكتها ريف و دخلت يدها فيها و مشت فيها لين وصلت للكراسي و جلست...

شوي و تظهر فرح و شهقت يوم شافت راما...

ركضت فرح لراما...

هالوقت كان بندر يشوفهم و هو مرتاح انه يشوفها ما فيها شي و انها واقفة قدامه...

راما: أي أي أي أي وخري وخري...

فرح و هي تمسح دموعها :ههههه .. آسفة يا روحي بس و ربي خفت عليك...

- ترفع يدها على خد راما-
آآآآآآآي يعور؟؟؟

راما تمد بوزها : لالالا... بس تشوه جمالي ...

بندر" فديت هالجمال ... أشهد أنه ما تشوه.. الا زاد حلا فوق حلاه"
فرح: فدييييييتك و الله...
ريف:يا سلااااااااااااااااااااااااام و انا ... الانسانة اللي جالسة على الكرسي.... العرجا ... اللي جبهتها مقسمة قسمين ؟؟؟

فرح تبتعد عن نظر راما و تفتح لها مجال انها تشوف ما وراء فرح .. و انصدمت ...

راما"معقولة بندر هنا..."

بندر ابتسم لها..."انا هنا عشانك يا روح بندر"
راما"معقولة يكون هنا عشاني"
ابتسمت راما بدورها و لفت عنه.." مقدر أشوفه أستحي"
بندر قلبه ذاااااب"يا ربي فديت الحيا ... آآآه يا قلبي"
شوي و يجي بدر و معاه الدكتور مساعد...

فرح :هاي بدر..
بدر:هاي...- التفت لخواته- يله بنات نمشي...
الدكتور: هاه يا راما انتبهي ليدك أووووكي...
بنرد منقهر" و انت شعليك منها هاااااااه... وخر وخر وخر عنها ... ليش متلزق فيها... لا يكون اختك و الا ..... و الا.... اااااااااااااااع ابذبحه"

راما ابتعدت عن الدكتور: اوكي...

التفت الدكتور على ريف: و انتي يا ريف ... لا تضغطين على رجلك او تسوين أي مجهود فيها ... و حاولي ما تمشين كثير...اوووووكي...
بندر" فرحان بكلمة أوكي هذا و الا وش سالفته؟؟ كل شوي ماط خشته و يقول أوكي أووووووووكي"

ريف بحيا: طيب...

الدكتور:اوووووووووووكي الموعد الجاي بعد أسبوعين .. أبي أشوفكم اثنيناتكم ... أوووكي...

بندر" و الله اللي أبعلقك من رقبتك و اشوف شلون بتقول اوكي.."
راما و ريف:اوكي...

بدر: مشكور دكتور.... – التفت على خواته- يله نمشي...

فرح: انا بجي معكم...

بندر" ويييييييين الاخت قاطة ؟؟؟ و انا يعني وش اسوي؟؟؟اااااخ ليتني مكان فرح و اجي معك يا روح بندر"

راما و هي تمسك يد فرح : يله تعالي...
طلعوا من المستشفى و بندر منقهر بس ما حب يبين... شاف بدر و سلم عليه بعدين راح لسيارته و شغلها و راح لبيته....

رجعوا البنات للبيت و يوم شافتهم الجدة بغت تنهبل عليهم و علمت ابو محمد و ابو محمد وكّل محمد على الموضوع اللي خلصه و خلا هذاك الولد يدفع قيمة السيارة و قال وصولوا اعتذاري للأهل(يقصد راما) و ان ما كان قصده و انه الغلطان و من هالكلام...
حلا و البنات مرة انقهروا و زعلوا بس بعدين رضوا و قالوا مرة ثانية اذا صار شي تعلمونا و راما هاوشتهم قالت لهم ليش تفاولون علينا و ضحكوا البنات على راما و عدى هذاك اليوم و الايام اللي بعده عدت و محد درا من اهل امريكا عن الحادث بس اللهم ان راما قالت لأمها انها كانت تلعب و طاحت و ان ريف كانت نايمة في هذاك الوقت ... و لفوا السالفة و دفنوها...
مرت الاربع ايام و جت ليلة العيد ...

الساعة 11 في الليل...

الكل مجتمع في بيت الجدة ...

لين و هي تجلس بوهن :آآآآآخ بس..

لانا:ههههههه الله يهون عليك...
لين:مدري شلون ابعيد معكم .... يا ربيييييه .... لا و بعد اللي يقهر أمي نورة ما حلت لها الطلعة في المزرعة الا الحين يوم ان كرشتي قدامي...

لانا بتفاجأ: بنروووح المزرعة...

لين : ايه اسمعها تامر جولييت و تقول لها ان ثاني العيد و ثالث العيد لين فتحة المدارس بنكون في المزرعة...

لانا: ياااااااااااااي مرة وناااااسة ... بروح اشوف توربيولنت (عنيف)

لين بحسرة :ايييييه انتي روحي شوفي توربي و اركبيه على راحتك و انا اطالع توكن(رمز) و انقهر ... هالدبة اللي قدامي معذبتني ... اهئ اهئ اهئ...

تجيهم نورا بفرح :ياااااااااااااااي بنات دريتوا اننا بنروح المزرعة ...
لين:اهئ اهئ اهئ..

نورا باستغراب تكلم لانا: شفيها ؟؟؟
لانا:هههههههههههههههههه منقهرة على توكن مو قادرة تركبه عشانها حامل...

نورا بخبث: هههههههههههههااااااااي يا حرام كان ودي تسابقيني .. نفسي اشوف توكن يفوز على ميو (النورس)
لين قامت من القهر و راحت عنهم...

جتهم راما و هي تجلس : اااااااه تعبت...

نورا:أي تعب و انتي كل ما سويتي شي قلتي يدي يدي... أي تعب؟؟

راما:يكفي اني ساعدت بشي...

حلا تدخل عليهم و معها عصير فراولة...

على دخلتها يرن التلفون... تروح و ترد : نعم ..

جاها صوت حرمة عجوز :الووو
حلا:هلاأأأ...
-تحط السبيكر-
العجوز:
سلامن عليكم..

حلا: و عليكمن السلام...

البنات كتموا الضحكة..

الحرمة : وشلونتس؟؟عساتس طييبة ؟؟؟
حلا: بخير يا جعلتس بخير .. بشريني عنتس؟؟

العجوز:و الله انتي خابرة هالرجيلات و هالسكر و هالضغط و هالماراتيزم و الحمدلله رب العالمين...
حلا تكتم ضحكتها: ماراتيزم... اييييييه الله يعينتس يا خيتي انا اشهد هالماراتيزم ما خلا احدن ابد ما غير ينهش في عظيمات خلق الله...

العجوز : أي بالله ...الله يعينتس و يعين الجميع
وين امتس؟؟

حلا : اميمتي ؟؟ ايه خل اشوف وينهي فيه...
و تحط السماعة على الهولد....

و تنفجر ضحك و البنات معها يضحكون...

دخلت ريف و هي تضحك : اجل ماراتيزم هاه...

حلا: الله ياخذك بغيت اسويها على نفسي... من جد ريفوو تعرفين تقلدين... هههههههههههههههههههههههههههه...

تمشي ريف بالعكازات : اااااااخ بس و ربي بغيت اطيح من الضحك... اجل ينهش في عظيمات خلق الله... هههههههههههههههههههه...

راما: لا و تعدد لها كل الامراض المعاصرة...

البنات:ههههههههههههههههههههه...

شوي و تجي عبير .. : بنات قصروا أصواتكم خالي مشعل و عياله عند امي يسلمون عليها.... ششششششششش...
حلا بلعت ريقها و ناظرت ريف ..
...
شوي و تدخل لمار و خدودها حممممرا....

لارا بخبث: يا عيني يا عيني ... انتي على فكرة من زمان ما نشوفك .. كل هذا عشان سي منسور...

لمار و هي تجلس : مالك دخل يلا بس ...

لارا انقهرت بس مابينت و كملت باستهزاء: على فكرة ترا هالحب ذا كله و هالدلع .. بيجي يوووووم ... بتندمين عليه...

لمار بضحكة :هههههاااااااي .. ايه طيب...

لارا قامت متضايقة ...
نورا شافتها ... قعدت شوي بعدين طلعت...

...............
في الحديقة ...

كانت تمشي سرحانة و باين عليها الضيقة ... راحت و جلست على الكراسي اللي في الحديقة ...

حست بأحد واقف وراها و التفتت ...
لارا: بدر !!

بدر بابتسامة خجولة : هاي ...
لارا : هاي..

بدر : سوري بس ما قدرت أمنع نفسي اني اقرب ... حسيت انك متضايقة و تبين تتكلمين... am I the right person to talk to ؟؟

لارا بابتسامة : مو مسألة رايت و رونق... المسألة مسألة
if u can deal with it or not ...
و مو أي أحد يقدر...

بدر : معليش أجلس..

لارا: feel ur self at home

جلس بدر و هو يبلع ريقه و يحاول يخفي توتره و هو حاس انه مفضوح من دقات قلبه ... خاصة يوم قرب منها و شم ريحة عطرها ... كانت لابسة فستان كلاسيك شيفون قصير لين تحت الركبة بشوي سكري عليه ورود فوشي و أكمامه قصيرة (جيبونيز) و شعرها الكاكاوي مسويته رولات من ورا ... من قدام مسويته مثل اليونانيات القديمات اللي يلفون الغرة على جنب و يخلونها رول.... باختصار شكلها كان مررررة يحبس الانفاس من روعته...

بدر بابتسامة : اممممم ... من وين نبدا ؟؟
لارا تناظره و هي تتذكر كلام نورا لها و تحس انها ما تقدر تفشله او تجرحه ... ابتسمت و قالت بعد صمت: أكره الحب..
بدر انصدم باجابتها و بفكرتها و حس باحباط بس كتمه و قال بابتسامة : ليش؟؟؟

لارا: لانه يبعد الانسان عن محيطه ... ياخذه من عالمه و يقطع عنه انواع التواصل ...
يعني ...- سكتت شوي- عندك لمار مثلا ... لمار من تملكت و هي مو أختي القديمة... تغيرت و صارت ما تشوف في الدنيا الا منصور و لا تاكل الا مع منصور و لا تشرب الا مع منصور و لا تطلع الا مع منصور و لا تنام الا لما تسمع صوت منصور... انا ما احسدها بس ما احب كذا ... و عشان هالشي كرهت الحب...

بدر " الله ياخذك يا لمار انتي و منصور" ابتسم : طيب فكرتك عن الحب غلط ...

لارا استغربت : شلووون ؟؟

بدر: يعني ... الغلط مو من الحب... الغلط من لمار نفسها ....
لارا: كييييف ؟؟؟

بدر : يعني عندك لين و محمد ... مو هم الاثنين كنا نسميهم قيس و ليلى ... هذولي الله يخليهم لبعض يعشقووووووون بعض بشكل مو طبيعي... تتذكرين لما كانوا متملكين كيف ... لين كانت تنام مع محمد في غرفة وحدة ... تتذكرين ..

لارا حست بخجل و سكتت ...

كمل بدر : و مع كذا اتذكر انها كانت ما تجهز الا معكم .... و ما تطلع الا معكم ... و تروح و تجي و تسافر ... تذكرين يوم نسافر ذيك السنة فرنسا و قعدنا هناك ثلاث شهور ... ترا محمد كان عمي عبد العزيز مرسلة لشغل في استراليا و هي راحت معنا لفرنسا و تركت محمد في استراليا..
الموضوع مو موضوع حب ... و انه يغير الناس... الموضوع موضوع الناس اللي اساسهم كذا ...

لارا : ما أدري ما أدري...

بدر بحسرة : يعني انتي من جدك كرهتي الحب ؟؟

لارا بابتسامة : ايه ..

بدر : آهااا..

لارا بحيا : ليش يعني ؟؟ لهالدرجة هامك اذا كرهت الحب او لأ؟؟

بدر بلع ريقه و بغباء منه : لا بس يعني شلت هم زوجك .. يعني شلون تعيشين معه بدون حب؟؟؟

لارا بخيبة امل : اها ... –قامت من كرسيها- لالا لاتخاف ... اذا جا زوجي .... ابتصرف معه...

بدر فجأة حس بغباءه .. ابتسم ...

لارا ما ردت على ابتسامته و عطته ظهرها و راحت ...


نهايه البارت .........