الفصل الثالث
نجلا في غرفتها منسدحه......وفكرها مع ...اليوم..والي بيجيبه اليوم لها.......التفتت لملابسها وهي محرجه من
جهازها.......الي مااكتمل......تحركت الجازي...وشافت نجلا قايمه...
الجازي بصوت نعسان-..نجلا ..وش مقومكِ من الصبح؟؟
ابتسمت نجلا ...-وراي شغل...تحت ...وبروح اسوي الفطور..
الجازي- لا اليوم ماانتي قايمه ...انا بسوي كل شي....بعدين وحده بتروح لبيت زوجها وتقوم تكرف!!!
نجلا ابعدت خصله عن وجهها..- ياشيخه ....انا ماني مصدقه...اصلا اني بروح..احس اني بحلم!!
الجازي استقعدت...وغطت بنتها .ريوف...وقابلت نجلا
الجازي- نجلا ودي اسألكِ سؤال؟؟؟بس اخاف تزعلين مني....ولا يجي بخاطركِ؟؟
نجلا- لاتخافين دربكِ خضر ...على مايقولون ...
الجازي –نجلا انا ماني شايفه شناط ..ولا عفش عروس......انتي ماجهزتي؟؟؟؟
نجلا ..بحزن..- وانا فضيت يالجازي...وابوي الله يرحمه ..ماعطاني شي في يدي....ولا احد معي يساعدني ....المسؤله كانت غاده...وهي الله يهديها...
الجازي بتفهم- الله ..يفشلها غاده...والله اني حاسه انها ورا السالفه..!!
نجلا- تدرين عاد اني ..مُحرجه..مدري كيف اروح للناس ...بدون لبسن صاحي!!
الجازي..انفعلت- يااُمي..انسي الناس اهم شي ...رجلكِ...؟؟وسكتت شوي كأنها تفكر....وقالت بسرعه...
الجازي –والمشكله...مقاسي مايجي عليكِ...انتي ماشالله...عودن رويان....وانا دبتن وش كبري..؟؟
نجلا- ههههههههه الله ياخذ بليسكِ...رفعتي معنوياتي على ذا الصبح...
الجازي ..- نجلا انا احس انكِ ماانتي عارفه قدركِ....ورفعت اصابعها وضمتها...واشرت لنجلا...
الجازي- انتي ملكة جمال !!!تهبلين!!تشبهين ..آشوريا...الهنديه..وكثير بعد!!!
احمر وجه نجلا- لو شفتيني ايام عزا ابوي الله يرحمه..كنت اروع!!!وأشرت...بتكشيره...
الجازي – عشان كنتي نحيفه يعني؟؟مااصدق!!!غاده تقول ...وناظرت نجلا ..
يمكن ..الوليد ...وترددت...
نجلا..دقات قلبها..زادت سرعتها...- كملي..لاتشيلين..همي..
الجازي- تقول...يمكن الوليد.سامع عن جمالكِ...وعشان كيذى ماتردد.يوم......؟؟؟.واملك عليكِ...
نجلا – الي شفته منه ...ولاحظته عليه...يخليني اقول ان كلامكِ مستحيل..واصلا ..احنا ماشفنا اهله من زمان...
الجازي..بلهفه- خذيها مني ...والله ليموت في شي اسمه نجلا.....وان سار ..قولي الجازي ماقالت!!!
ماردت نجلا وفي بالها تقول...ايه زين!!!...يموت فيني؟؟؟...ماتدرين يالجازي.احنا.. نبي نفترق قبل نبتدي!!!
الجازي..وهي ..متلهفه- اسمعي...وش رايكِ...نروح السوق.....وناخذلكِ..لبس لليوم..؟؟؟
نجلا- لا لالالالا...
الجازي بتصميم- وشو لالالا...ألا بنروح ...للسواني...عندهم دايما ...اشياء حلوه......والتفتت لنجلا
المنحرجه....وكملت..وخليها سلف......زين!!
نجلا بحرج..- وغاده؟؟
الجازي – غاده خليها علي....المهم نلحق قبل صلاة الظهر...
قاموا ..عشان يتجهزون...ويروحون السوق......
الساعه كانت ...9الصبح......نزلت الجازي....بتقول لامها....وتبي تخلي بنتها عندها...
استعدت نجلا...ولبست تنوره سودا...وبلوزه بدون اكمام....
الجازي دخلت على امها......
الجازي – يمه ...يمه...
ام عادل-..بسم الله علي!! وش فيتس..روعتيني!!
الجازي-..خير يمه خير...مافيه شي ...بس بقولكِ..اني بروح...ويا نجلا...للسوق..
انتفضت ام عادل من مكانها مستنكره- وشو؟؟؟خير انشالله...!!اشوف طالت وشمخت...وش يطلعها؟؟
الجازي – يمه البنت اليوم بتروح لبيت ...زوجها ..وعنداهل زوجها..وغاده الله يهديها .ماشرت لها شي !!
ام عادل..مابين اقتناع وبين عدم تصديق-..غـــــــاده ماشرت شين لها؟؟؟جذوب!!
الجازي بهدووء- يمه احنا نعرف ابو سعد كيف كان يموت على القرش...والاكثر منه ..غاده اختي!!
ام عادل- طب مين بيوديكم..؟؟
الجازي – انا كلمت السواق الي يعرفونه اهل...فهد..وبيجي الحين..على وصفي..
ام عادل –وقلتي لغاده؟؟
الجازي شوي وبتعصب- واذا ماقلتلها...وش فيها مسوين جريمه احنا؟؟؟البنت على ذمة رجال ...وهي حرة نفسها!!
ام عادل – سوي الي تبين ...بس هااااااااااه ..ترى ..اذا قامت غاده..ولطلطت..مالي أي دخل ..ولاني محامية ً عنتس!!
الجازي- طيب ..بروح اجيب ريوف ...واجي...وطلعت الجازي فوق لغرفة نجلا ...تاخذ بنتها
الجازي- هااه يانجلا خلصتي؟؟
نجلا- ايه خلصت...
الجازي – تكفين نجلا هاتي جوالكِ اخاف نفترق...او نضيع...
نجلا..مافتحت الكيس من يوم عطاها اياه الوليد......راحت للدولاب تفتحه وتطلع ...الكيس...سحبته من الرف...وفتحت الكيس ...وفكت الكرتون...كان جهاز......
ماانتبهت وهي تفتح الكرتون طاح ظرف......
دخلت الجازي مره ثانيه..
الجازي قربت من نجلا – اله اله...وش ذا الجهاز الزين؟؟؟انتبهت لظرف....طايح
الجازي انحنت تاخذ الظرف- نجلا خذي ..الظرف ذا لكِ..
انتبهت نجلا له ....وخذته من الجازي ...زادت ضربات قلبها ....بجنون...ماتدري ليه ..كل ..شي يخص الوليد...يزيد من ضربات قلبها...
وبأصابع...ترتجف...فتحت الظرف...كان فيه...بطاقة صراف...سامبا...وبطاقه إئتمانيه......
الجازي-..يـــــــــــــــــاولد....شكلكِ اليوم بتغدينا...الظاهر ان الظرف موجود مع الجوال ......وانتي لهيتي
..ونسيتيه....ايييه ياختي !!...انا اقول مستحيل ...ماعطاكِ مصروف؟؟؟وناظرت نجلا...بخبث ..
الجازي- هذرتي واجده صح؟؟؟
نجلا ضحكت-.هههههه...اقول يالجازي رحم الله أمرء..عرف قدر نفسه......ياله خلينا نمشي...!
الجازي دق جوالها...
الجازي- هذا السواق ...اعجلي..قبل لا تقوم غاده وتسويلنا سالفه؟؟؟
راحوا لصحارى...وقررت نجلا انها تنبسط اليوم على قد ماتقدر...وتنسى همومها.....ودام ان الي تصرف منه من
حقها..فليش ماتتمتع ..فيه؟؟
شرت ..كم تايور...ناعم ...
الجازي- وش فيكِ...؟؟عادي ..البسي ..قصير...مو مشكله!!
نجلا- ..انا عارفه انه عادي...بس يالجازي ..الناس انا ماادري عن لبسهم وطبايعهم...
الجازي- نجلا!!..ماعليكِ من احد..!!اهم شي ..انكِ ماتسوين ..شي غلط...وتكونين..راضيه عن نفسكِ..
نجلا..- انا عارفه...قصدكِ..بس ولو!!انا عندي مبدأ..
الجازي بعصبيه-..نجلا!!خلينا احباب!! انتي ليه عنيده؟؟الله يعين الوليد على عنادكِ...وكملت...خلنا نروح...لبدون اسم...ناخذلكِ عبايه ...بدل ذا العبايه الي كنها ...كيس زباله....هههههه
نجلا-هههههههههه ..هين يالدبى...والغدى؟؟؟..انسي!!!!!!!!!!
الجازي-لالالالالالالالالالالالالالا...ألا الغدى....امسحيها بوجهي!!...خلاص عبايتكِ...كنها خيمه!!!...هاههههههه زين كيذا؟؟؟
نجلا- ههههه امشي ...بس امشي...الناس يناظرون خيشتي!!!
الجازي- ماقلتلكِ...عبايتكِ حكايه!!!
نجلا- بس تراني ...ماني ماخذه عباية كتف!!!!!
الجازي- لييييييييييييييييه؟؟؟هو قايلكِ..لا
نجلا..- هذا الشي ...هو ماله دخل فيه ...البس كتف ماالبس..هذا راجعلي انا!!
الجازي –اجل وليه لا؟؟
نجلا- انا كيذى ..مبادئي ماتسمحلي...البس كتف!!
الجازي- اقول لايكثر انتي ومبادئكِ...الي وش كثرها!!!
دخلو وخذت نجلا عبايه.......بعدين طلعوا الدور الثاني......عشان يسدون جوع الجازي
وبعد ماعبت بطنها وشبعت...
الجازي-آآآآآآآه...الحمدلله ..اللهم ادمها علينا نعمه......
نجلا-ههههههه توكِ تذكرين ربكِ؟؟
الجازي بأستنكار-..يعني انتي ..مادقيتي في الاكل...الا بسم الله علينا منكِ...ومن شراهتكِ
نجلا- اههههههههههه..وأشرت على نفسها..انا؟؟؟ياويلكِ...من الله!!
الجازي- لا.. انا ياروح امكِ...اقول بس...تراكِ..ماشالله عليكِ..سايرتن هبره!!
نجلا- ههههههه الله يرجكِ...انتي وسوالفكِ....
الجازي- بسرعه..طيب...عشان ..ودي آخذلكِ...شنطه عليها الكلام...تحطين فيها اغراضكِ...الي شريناها......
نجلا...بأمتنان-..تسلمين يالجازي...والله من غيركِ...مدري وش كنت بصرف اموري!!
الجازي...-....لالالالالالالالا وبعد اصبري......باقي.....الي انتي خابره!!!!!
نجلا ببرآئه-..وش باقي؟؟
الجازي- هههههههههههههه ...باقي....هههه ..ملابس..وتعتبر اهم ملابس.........ألا وهي.......
قمصان النوووووووووووووووووووم!!!!
نجلا- مب لازم.......!!!هي قالتها لانها عارفه انها .......ماراح تنام اصلا ..هي والوليد بغرفه...وحده ....زي ماوعدها!!!
الجازي مستنكره- ليــــــــــــــــــــــــه انشالله...؟؟؟تبين تفشلينا؟؟؟ويقول ...زرطوا..(اسرفوا...بصرف ...الفلوس) فلوسي على الفاضي!!!!
نجلا ماتبيها تشك-خلاص خلاص ...بسرعه.....طيب...عشان اخآف..تدق ام سلطان ...ولأول مره...تنطق اسمه ...مثل أي انسان عـــــــادي!!!!
الجازي بدت عليها الجديه- نجلا ابغى اتكلم معكِ...والله لو اني مااعدكِ...اختي...ماكلمتكِ...
نجلا-وانا ..اغليكِ..بغلى اخوي سعد والله..
الجازي ناظرت نجلا بجديه...-اسمعيني يانجلا...انا ملاحظه عليكِ..انكساركِ...وخنوعكِ...انا عارفه ان الي مريتي
فيه...صعب!!بس الانسان من كثر الصدمات يقوى!!مايضعف!!وين نجلا الي كنت اعرفها...؟؟ادري غاده ..ماتعاملكِ
زين!!وادري انها ظالمه بعد!!!وانها كانت تستغل حب ابوكِ الله يرحمه لها ضدكِ!!!وكل هذا وانتي ساكته..وراضيه...
لكن الحين لالالالالالا..المفروض ..ماتتركين لها فرصه تهينكِ....الي كنتي تسكتين عشانه راح الله يرحمه!!...ليه احس
انكِ...مكسوره......ولاتردين عليها.....؟؟؟؟؟سكتت شوي ...بعدين كملت......تراني يانجلا عارفه عن سالفة
زواجكِ.والطريقه التم فيها الزواج......!!
نجلا ..بصوت هادي-.علا كثر الالم الي مر فيني!!!.لاتحسبين يالجازي..ان سكوتي ضعف!!لا!!وهزت راسها...علامة الانكار...
انا كنت اسكت عشان ابوي...وبرن..فيه......والحين اسكت عنها ..عشان نصوري...وعشان ماتبعده عني!!وتخليه
يقاطعني!!وبيني وبينكِ..الايام هاذي ..انا ..عقلي مو فاضي لاي هواش معها.....ومافيه فايده اصلا فيها......
الجازي..-..تدرين يانجلا يعجبني فيكِ..رزانة عقلكِ..وحلمكِ..والي يبهرني اكثر صغر سنكِ..وحده غيركِ..كان سوت الي
ماينتسوى ...بعد موت ابوها..؟؟وبصراحه لو وحده غيركِ..كان طردت غاده من البيت!!!
نجلا- موانا قليلة الاصل!!!الي تسويها...اما عن زواجي بالوليد...فهاذا..الله وهاذي...قسمته...!!
الجازي –ونعم بالله.....ناظرتها بتركيز...وكملت ......يعني اقدر اقول انكم..حليتوا اموركم؟؟؟
نجلا بلعت ريقها...-..نقول ..انشالله...
الجازي...- كيذى انا تطمنت.......ياللا مشينا.......نكمل الناقص...
||||||||||
امي نوره .......تكلم حصه.......
امي نوره- ..اييييه اخيرا اليوم بتجي!!!...مابغت!!
حصه-...والله يمه اني محتاره البنت بعد ...مالها ذنب.....الوليد هو الي تزوجها!!..
امي نوره- ..ماعليه حتى لو هو الي تزوجها........وش فيها لو خذى الجوهره!!المال وموجود...قادر...يعيشهم في نعيم....
ساره تسمع امها ومو عاجبها كلامها.........
حصه-..حتى الجوهره يمه ...مدري عنها يمكن ماتبي واحد متزوج!!
امي نوره-عاد انتي صدقتي انه بيتم معها......انا حاستن انه متعلق بالجوهره من شافها!!المهم...الجمعه ذا الاسبوع...عند ام سلطان...خلنا نروح نشوف...!!
حصه ..-انشالله...ياله اجل يمه خلني اروح اشوف ذا الطباخ وش سوى..العيال الحين بيجون!!
امي نوره- فمان الله.......
سكرت امي نوره ...وساره تناظرها ....
امي نوره- وش عندكِ...كأن ودكِ تقولين شي؟؟؟؟
ساره- يمه انا مدري متى بتتركون الوليد بكيفه...؟؟والمشكله انكم تخططون......ومايسير الا الي يبيه هو!!!
امي نوره-..يعني قصدكِ..انه يبيها!!...وش يدريكِ..انتي...؟؟مايعرفه الاانا......ياعين امه!!...
ساره طلعت منها ضحكه غصب-يمه..لا تكفين....اجل هو شاكي لكِ؟؟؟
امي نوره- من دون مايشكيلي...انا خابرته......بعدين...قومي الله لايهينكِ....شوفي ...ذا اللي...يطبخ..وش مسوي لنا!!
قامت ساره...وراحت ..لقسم المطابخ......
|||||
نجلا..-لالالالالالالا....الا هذا القميص؟؟.....ماأبيه..!!مستحيل,,آخذه...
الجازي- الله لا يبلانا...وليه انشالله؟؟؟لايكون انتي معرستن...على حيطه..وانا مدري؟؟؟..مابوه......احساس؟؟
نجلا – انتي صاحيه؟؟الجازي هذا مو ساتر مره..
الجازي- شوفي عاد؟؟قلتي عباية على الراس...وقلنا تم!!....قلتي قصير مابي ...وقلنا تم!!!عاد نجي للقمصان...واقولكِ...انا حدكِ...
نجلا –والله يالجازي...انا مااقدر البس كيذا!!
الجازي- وش دراكِ انتي عن ..الرجاجيل والي يبونه؟؟انتهينا ...مافيه نقاش بتاخذينه ..بتاخذينه!!
خذته نجلا وهي ماودها......بس ماراح يطلع من الشنطه....!!خلصوا شغلهم الضروري...ورجعوا البيت.......لملوصلوا
للبيت.....نزلوا وكل وحده يدها مليانه اكياس......
غاده وامها..في الصاله.........
نجلا والجازي- السلام عليكم..
غاده معصبه- ماشالله ...!!!وينكم فيه الى الحين.....؟؟؟
الجازي..-ردي السلام تراه واجب!!
غاده-وعليكم!!!هاااااه وين كنتوا؟؟؟
الجازي-كنا نتقضى لنجلا...
غاده-وليه انشالله لايكون مصدقه نفشها.......انها عروس!!!
رفعت نجلا راسها...وناظرت غاده...-ايه عروس!!ولا نسيتي اني بروح لبيتي اليوم!!
غاده بقهر- يعني بتقنعيني ان الوليد ...يبيكِ...بعد ماكنتي لاخوه!!!مستحيل ...صدقيني كلها ..فتره ..ويطلقكِ
الجازي- غاده خلاص!!!ليش تدخلين بالي مايخصكِ!!!!!!!!
ام عادل-..انتي الي لاتدخلين ...لا وبعد ..رايحتن ..معها..وصارفتن عليها ؟؟؟واحنا اولى بالصرف ذا!!!
الجازي- والله نجلا صارفه من حلالها!!مو مني!! وحتى لو مني ..مافيها شي اذا الخوات شروا لبعضهم!!!
نجلا- خلاص ياالجازي...والتفتت لغاده ...وناظرت اخوها نصوري...ورفعت عينها .لغاده ...لين اشتبكت نظراتهم.........
نجلا- عشانكم في بيتي ..!!لو تقطعيني.... مستحيل اغلط عليكم!!!
قالت الي عندها ورقت غرفتها ...مع اغراضها...
غاده اهتزت شفايفها من القهر...اما الجازي ...ابتسمت ....بفخر...لكلام نجلا.......
ام عادل-...اما البنت ذي!!..على كثر الي يجيها منكِ..الا انها ...!!
التفتت الجازي...بسرعه لامها...
الجازي –انتي قلتيها يمه ...الي جاها منكِ........يعني تدرين وتشوفين الي تسويه غاده.....وساكته!!!ليه يمه ترى مايجوز!!!
غاده- وليه انشالله انا وش سويت؟؟؟تحمد ربها ...على وجودي ...ولآ..كان ..مرميه في الشارع!!!
الجازي مشت وهي تقول–اصلا انتي مافيه فايده فيك!...الله ..يعديكِ..عقوبة البنت هاذي ...علا كل الي سويتيه معها.......
غاده بستهزاء-هه......راحت لها!!!روحي .....خلها تنفعكِِ.....المقرود مقرود.....وهالبنت مقروده من يومها!!!!!!
||||||||||||||||||||||||||||||||||||
قفلت الباب...وجلست على طرف سريرها......تبي تحبس ..دمعه حاره...تحرق جفنها.......حاسه بضيق...وخوف من
المجهول.....اليوم بتترك.........بيت ..ماشافت فيه الا الوجع..والقهر!!!!!البنات يتركون البيت ..كارهين فرقاه...وهي
تتركه .......خايفه...من الي راح تواجهه.......في بيت الوليد......!!!
هذا اليوم الي تستناه.......بس الشخص الحين غير!!!!!!!!
ارتجفت شفايفها......وهي تذكر جية سلطان ..وكلامه معها.......هذا الي مكدرها...ليه جا.......يوم انه مايبيها!!!
وبلحظه ..انرسمت ملامح الوليد.......وزادت دقات قلبها........لصورته.......وحتى ذكرى لمسته!!!
سمعت دق على الباب........
الجازي- نجلا ...افتحي ؟؟
قامت تفتح الباب......ورفعت يدها تبي تمسح الدمعه...مالقت اثر...وابتسمت ..على طرف شفتها.......حتى الدموع
جفت...
نجلا- هلا ..ادخلي..
الجازي وهي تناظرها..- عسى ماضقتي ؟؟؟نجلا انتي متعوده عليها...
نجلا- لا ماضقت ..انتي قلتيها ..انا تعودت على اسلوبها.......وطريقتها...
الجازي- طيب خلنا من ذا الموضوع........المهم الحين ابيكِ..تختارين لبس ..من الي جبناه.....وصدقيني راح اخلي لكِ..طله!!!مابعدها طله!!!!!!!
نجلا- طيب اول بتحمم......
مشت الجازي تدز نجلا من ظهرها....وتمشيها......-يللا...اخلصي على الحمام..ماعاد فيه وقت....
||||||||||||||||||||||||||||||||||
ام سلطان-...اشوى كل شي تمام.....
سمر-...يمه بصراحه ذوقكِ..جنااااااااااااان...
ام سلطان محتاره- تتوقعين يجوز لها ذوقي؟؟؟
رنا باستحقار ..-..وليه مايجوز لها؟؟؟انا اراهن ..ان الجناح اكبر من احلامها.......!!!!!!!!!!!
ام سلطان- انتي ماتخلين ..دفاشتكِ...؟؟؟
رنا- يمه انا ماقلت شي غلط!!
ام سلطان- الا قلتي...وهاذي آخر مره اعيد كلامي!!!..ان سمعت النبره هاذي مره ثانيه ...ماتلومين الا نفسكِ
سمر-يمه اهدي ..وناظرت رنا ......رنا ماتقصد؟؟؟!!
ام سلطان بعصبيه- تقصد ولا ماتقصد.....انتهينا من ..الخبال...
رنا بصوت حزين- يمه انا لو اني اعرف ان الوليد ..يبيها ..والله لاحبها.....بس الوليد اضطر....!!!
ام سلطان- وانتي وش ادراكِ انه مايبيها.....؟؟؟هاااااااه؟؟؟ ..ورفعت ام سلطان اصبعها علامة تهديد...وكملت...
اقول يارنا لاتفورين دمي!!!ولا تتدخلين بشين......مايخصكِ...
رنا بغبنه وقهههههههههررر- خلاص عرفت يمه.......!!
ام سلطان –والله مااظن انكِ..عرفتي......يللا اطلعوا...وانتي ياسمر قولي لكانو..تولع بخور......
سمر –ابشري يمه......
رنا بعد ماراحت امها ..التفتت لسمر- يعني انتي تظنين الي تسويه امي... يغير..الي بالنفوس؟؟؟
سمر- يارنا انتي ليه مستبعده ان نجلا تكون مرت الوليد؟؟؟
رنا- لان الوليد مايبيها..!!ولانه يبي الجوهره!!!!!!!!
سمر-..آآه هي فيها الجوهره......!! صدقيني ..انا يمكن معكِ..في ان الوليد ..ماكان يبي يتزوج الحين......بغض النظر
مين تكون......لكن الي انا اعارضكِ..فيه انه بيبي الجوهره!!!!!!!
كشرت رنا بوجهها- ياسلام ..والله وسرتي فيلسوفة زمانكِ!!! امشي بس خلنا نطلع!!!الكلام معكم مافيه فايده!!!
&&&
ام سلطان .سماعة السنترال.- يللا..يعقوب جهزت السياره؟؟؟
يعقوب- اييييه عمتي..
ام سلطان- خلاص قول للسواق يجي عند البوابه ..انا بطلع الحين.....
يعقوب- انشالله عمتي...
سكرت السنترال.....ولبست عبايتها......بتروح تجيب نجلا......شوي ..وطلعت ..للسياره......هي وساندرا...المرافقه
الدائمه لها.......
ام سلطان- روح بيت مدام نجلا...
سمعت دقة جوالها.....
ام سلطان – الو...
سلطان-..الله لنا.....
ام سلطان بفرحه- ياهلا...ياهلا..والله بالغالي...وشلونك؟؟ ..يمه...اخبارك؟؟...عساك..مبسوط؟؟؟؟؟؟
سلطان- شوي شوي...والله ماسمعت ولا كلمه يمه.....انا بخير..انتي وش اخبارك؟؟...
ام سلطان- بخير وياوليدي بخير...بشرني عنك؟؟وعن دراستكِ؟؟
سلطان- انا الحمدلله تمام..ودراستي ..ماشي حالها......وين البنات مالهم حس انتي في السياره اجل؟؟
ام سلطان- البنات في البيت ...انا رايحه اجيب...مرت اخوك للبيت......
سلطان ..يحاول ينساها......وسفره كله.....عشان ..يترك ذكراها...وراه...اعوذ بالله منك يابليس.......انساها
ياسلطان......هاذي مرت اخوك!!!!!!!يعني الوليد متمسك فيها؟؟؟؟وهي؟؟انا شفت حبها لي بعيونها!!!!!! باهاالسهوله...تبي
تكمل حياتها معه؟؟؟هيهآت!!!!!!!والله لأخلي ..حياتهم جحيم في جحيم!!!!!!!!
ام سلطان- سلطان؟؟؟...سلطان؟؟؟
سلطان انتبه لأمه- هااه يمه معكِ..
ام سلطان- لا والله منتب..معي!!..وش شاغلك يامك؟؟
سلطان- ايه والله يمه فيه شي شاغلني...
ام سلطان بخوف-وشو ياوليدي؟؟تبي ..نحولك..فلوس؟؟
سلطان..بصوت هادي- لآ بس شاغلتني امتحاناتي...وقتها قرب...
تنهدت براحه- الله يبعد عنك الصعب ياوليدي.....ويوفقك...دنيا وآخره......
سلطان- الله لايحرمني من ذا الدعى.....يللا بس حبيت اطمن عليكم......تآمرين بشي؟؟؟
ام سلطان- لا والله ياوليدي اهم شي تكون ..مبسوط..
سلطان- اجل مع السلامه.....
سكرت..ام سلطان وهي فرحانه....حاسه ان سلطان تغير ...وتحسن حتى بكلامه معها...
||||||||||||||||||||||||||||||
ام خالد ..في جناحها ..ومعها خالد......
ام خالد- شوف ياخالد...!!انا انتظرت اكثر من اللازم...
خالد- يايمه...انا مابي عيال.....ان كان ربي كتب مايكون لي عيال ..انا راضي!!!
ام خالد معصبه- ومن قال ان ربي كاتب ان مايكون لك عيال؟؟؟انت قاعدن على ارض البور الي عندك!!!
خالد حاس انه مخنوق- يمه والي يرحم والديكِ..انا رافض فكرة الزواج من اساس..
قاطعته امه..-وليـــــــــــــــــــــــــــــــه ..؟؟؟وعشان مين ؟؟عشانها؟؟اصلا هي ماتحبك ..!!!!!ولو تحبك كان بنفسها
خطبت لك!!!!!ولا حرمتك..من الذريه!!!!
خالد- يايمه وش ذنبها المسكينه؟؟؟
ام خالد- انــــــــــا ابي اشوف عيالك!!!وان كانوا مب منها ...فمن غيرها!!!!!!
خالد- يمه افهميني انا راضي .بحياتي مع رانيا..ولا ابي اكسربخاطرها...ولا ابي عيال!!!هي عيالي ..!!وتكفيني باهالدنيا!!
ام خالد- مب على كيفك...انا امك.مين المفروض الي ماتكسر بخاطرها؟؟؟؟؟وبعدين.انا ادرى بمصلحتك.....وشوف تراني
خطبت لك!!!وان مارحت مع ابوك اتمم
الخطبه..لاني امك ولا اعرفك!!!!!!!!!!!!!!ويكون بعلمك ابوك داري بكل الي اسويه...وهو معي بكل شي!!!!
خالد حاس كأن مويه بارده صبت عليه...- يايمه الله يخليكِ...لاتفرقين بينا!!
ام خالد- انا!!! انا الي ابيلك الزين!! افرق بينكم؟؟انا الي ابي اقطع كلام الناس..عنك؟؟؟
خالد..بعصبيه..- وانا وش علي من كلام الناس؟؟؟هاذي حياتي ولا حياة الناس؟؟؟
ام خالد- هي كلمه وحده مااثنيها...!!بتزوج يعني بتزوج..بغت تقعد معك الله يحييها...مابغت ..الباب يفوت جمل!!!!!!
خالد-يم..
ام خالد- خــــــــــــــــــــالد انا قلت الي عندي!!!وترا بعد يومين بتروح مع ابوك!!تممون الخطبه!!!!!جهز نفسك!!!
طلع خالد من عند امه .....وهو رايح لجناحه......دخل شاف رانيا ..نايمه...تأملها.......وتأمل نعومتها ...قرب منها وقعد
بجنب راسها.......وعيونه ...على ملامحها الي ...منحوته في حياته قبل فكره...
وانا الي وعدتكِ..مااجرحكِ!!!...بتذبحها ياخالد...جت عينه على اصابعها.....وشاف خاتمه الي مهديه لها.....كل سنه تمر
عليهم يهديها خاتم جديد ..محفور عليه اسمها واسمه ..وتاريخ إهدائه لها.....مامسك نفسه ورفع يدها
وباسها.......وبالهالحركه.....قامت رانيا...
رانيا بهمس- خالد...
خالد ..بصوت كاتم العبره فيه- ياعيون خالد...
فزت رانيا من مكانها...ونبض قلبها عارف ..وحاس بكل الي بيسير...
رجفت شفايفها.....رانيا- خالد ..بتتزوج!!!
خالد..انصدم ...من كلمتها.......تشابكت نظراتهم...جا بيرد وعجز لسانه ينطقها!!
رانيا..برجفه تقطعها..وبعبره...- بتتزوج ياخالد....رفعت يدها ..تغطي شفايفها...وعيونها ..تدمع...ولسان فكرها يقول...
لالالالالالالالالالالالالالالالالالالالالالالالالا لالالالالا
رانيا..بانهيار- لالالالالالالا خالد بتتركني وتتزوج!!وليه؟؟؟عشاني ماجبت عيال!!!!
خالد..قلبه ماعاد يتحمل شوفتها –لا ياروحي ...امي بتغضب علي!!!..ونزل راسه الارض ..من عجزه!!!
رانيا-وانا وش ذنبي ؟؟؟ليه ؟؟يعني انا مابي عيال؟؟؟
خالد –انا مستحيل ..استسلم !!ياروحي ..انا ماني موافق!!!انا..احبـــــــــــــــــــكِ يارانيا..احبكِِ!!قالها ..وهو حاس انه يكلم
كل الي يلومونه على حبها!!!
رانيا ..بسرعه ..قربت منه ...وحضنته......
رانيا بصياح-..ليه ؟؟ليه؟؟ياخالد..مايحسون فينا؟؟ليه يبون يفرقونا؟؟؟
خالد ضمها وقربها اكثر يبي ..يسيرون روح وحده...
خالد- ماراح يفرقونا...انتي ..روحي يارانيا ومحدن يعيش بدون روح!!!
رانيا بعدت عنه شوي...وعيونها ترمش- خالد..انت ماراح تكسر كلمة امك!!...وانا مابيك تكسرها!!طلقني!!!
انتفض خالد...ووقف..- وش تقولين؟؟؟وبكل سهوله تنطقينها؟؟؟
رانيا نزلت راسها الارض-..انا مستحيل ارضى بوحده تشاركني فيك!!وانت مستحيل تعارض امك.....اتركني...وشوف غيري!!!
خالد بصراخ- انتي صاحيه؟؟؟ولا مجنونه؟؟طلاق مافيه...شيلي الكلمه هاذي من قاموسكِ......
رانيا عبراتها ..عجزت تكتمها.......- ألا بقولها......وبدال المره ..عشرين مره!!!خالد .اتركني!!!انا معاد ابي اعيش
معك!!!
خالد قرب منها يهزها..-رانيا وشذا الكلام ؟؟؟قبل ثواني.......
رانيا- هذا قبل ثواني.......لكن الحين ابيك تسمعني......انا تعبت من الخوف من تركك...ومن زواجك........ومن كثر
الهرج ..فيني........انا سرت علك في حلق الي يسوى والي مايسوى!!!!!!!
خالد-..رانيا انتي معصبه..وماراح اسمعلكِ.......
رانيا- يتهيألك..اني معصبه ...انا عمري ماكنت ...واعيه بكلامي مثل الحين!!!!!
بلعت ريقها ..وهي عارفه ان الكلام الي بتقوله فيه هلاكها......
رانيا-..انا بلم اغراضي ودني عند اهلي!!!
خالد ثار ..-لالالالالا..مافيه روحه!!وان دريت انكِ..طلعتي من البيت ...ورفع يده.....يهدد......بس ..كسرته
نظرتها..........ورمشت عينه ......ومد يده وسحبها......وضمها بأقوى ماعنده..........رانيا حست
بقهره.......ورجفته....رفعت يدها وضمته.....
رانيا بصياح-.انا مابي اتركك ..بس انا......ان..ا...مقدر اشوف وحده ثانيه..معك غيري........
خالد تقطع قلبه من صوتها ..-لا يالحياة ...والروح......لا ياحلمي.....الي تحقق...
رانيا لصقت فيه..وهي تهتز...وتصيح...-لاتقول؟؟ ....لاتقول؟؟لاتوعد!!خالد...احنا بنفترق...
ابعدها وشبك نظراته بعيونها.......ونبض في اسفل رقبته ينبض....
خالد-رانيا ..انتي تحبيني...؟؟
رانيا-..انا اعشق الارض الي تمشي عليها.......انا ...انا.......ووخرت عنه وقعدت على طرف سريرهم....وغطت
وجهها بيدها ......وبكت.......وبكت......
قرب خالد عند ها..وجلس وحط ذقنه علا ركبتها.......
خالد بصوت يحاول يخليه هادي-..اذا كنتي تعشقيني....تحملي معي!!!لا تخليني!!!وانا والله..ثم والله...مانيب ساكت....وان
اضطريت..فهو رضى لوالديني...لكن اعرفي ا ن الي باخذها مين ماكانت ....بتكون اختن لي مو زوجه!!!!!!!
جت بترد...رفع يده..وحطها على فمها........
خالد..برجفه بشفايفه- لاتردين ...الحين......رانيا انا ...وياكِ...شي واحد....ولا اقدر اعيش لو سرنا ..اثنين.........فلا تكسريني.....!!
باس راسها.......وقام وطلع عنها.....
وعيونها ...لحقته لين طلع....تمت يمكن ...اكثر من ...ربع ساعه ..وعينها على الباب.......
ماتتخيل كيف بيدخل خالد على غيرها......ومو مصدقه الي بيسير.......خالد!!!يطلب منها ...تتحمل تشوفه مع غيرها!!!!
خالد يطلبها...تذبح ..مشاعرها....وتشوف يده ماسكه غيرها!!!
|||||||||||||||||||||||||||||
الجازي...في غرفة نجلا.....
الجازي بزهو-...والله طلعتي ..قمر!!!التفتي الحين على المرايه...
التفتت نجلا...للمرايا.......
نجلا-واااااااااااااااااو...وش سويتي فيني...؟؟
الجازي-..انتي اصلا حلوه...بس حطيت لمسات بسيطه...
نجلا-ماكنكِ...زايده الكحل شوي؟؟؟
الجازي- رجعنا...لاتقولين مبادئي!!!!!!
نجلا ضحكت–هههه...مانيب قايله...بس والله صدق ..مو كأنه كثير!!
الجازي- لا مو كثير...انا مسويته كيذا بالعنيه...ابيه يظهر...جمال رسم عيونكِ....ويللا..بسرعه روحي البسي!!الي اخترتيه...
الجازي -..انا بنزل..تحت .....
رن الجرس.......والتفتت الجازي على نجلا......
الجازي –هااه..هاذي خالتكِ...جت!!! اخلصي...وانزلي...ورفعت يدها تحذر.......وانتبهي ..تمسحين الي سويته!!!
نجلا -..ماراح امسحه..
طلعت عنها ..الجازي ..وابتدى قلبها ..يدق..الساعه الي تخاف منها حانت....واول ماجى على بالها.......سعد...ياترى
وينك؟؟؟يااخوي....
||||||||||||||||||||||||||||||||
احمد-مستحيل ...يعني معقوله نسيتوا ارقامهم!!!
ام عبد العزيز-..والله ياوليدي عجزنا...ندق تليفونهم ..مقطوع!!!
التفتت لشيخه-وانتي ؟؟ماتدرين عن اخبار اخت سعد؟؟؟ولو حتى من البنات؟؟؟
شيخه..بحزن- لاوالله اصلا..نجلا..ماكانت تصادق احد...الا انا...حتى انا ودي اعرف اخبارها؟؟؟
احمد-ياناس الرجال بين الحيا والموت...ومحدن داري عنه؟؟؟طيب ماتقدرون..تروحون لبيتهم؟؟؟
ام عبد العزيز- لاوالله بعد طردة شينة الحلايا؟؟؟
احمد-يايمه ..انسي!!..احنا الحين ..في وقت الواحد فيه مايلوم الثاني!!..انا لو عندكم ...كان عرفت اتصرف..!!
-
حنت ام عبدالعزيز...- ياوليدي..والله لو اني..ماني بعارفه اسلوب مرت ابوهم الله يرحمه...كان رحت وشفت....بس؟؟؟
احمد- يمه والي ..يحفظكِ...الرجال له شهر بالعنايه!!!واخته ماتدري عنه!!انا سألت عن رجلها بس هو
مسافر برا..يدرس..
ام عبدالعزيز-لاحول ولاقوة الابالله......انا بسأل..اليوم واشوف!!...
احمد-تسلمين يمه ...انابسكر الحين..وبكلم..بعدين......
سكرت ام عبدالعزيز.......
شيخه-..مسكينه نجلا ...لو تدري عن سعد؟؟؟
ام عبد العزيز- الله يصبرها..كل ماقلنا افتكت...طلع لها شين جديد..المشكله..الحين انا ودي اروح
لهم.....وسكتت شوي .كملت....وبروح لهم احنا نسوي الي علينا.....
شيخه- صادقه يمه ...الواحد يسوي الي عليه...
||||||||||||||||||||||||||||
وصلت ام سلطان لبيت ابو سعد ....ودخلوها.......غرفة الحريم.....
ام عادل- هلا ..هلا والله بالغاليه...اسفرت وانورت...
ام سلطان- البيت منور بصحأبه..
غاده اقبلت ...-يالله ان تحيها....الله يحيكِ...يام الوليد!!!تفضلي ...تفضلي..
ام سلطان- الله يزيد فضلكِ...
دخلت ام سلطان ووراها غاده وقدامها ام عادل........
قعدت ام عادل...-مابغيتي تجين ...وينكم من اول؟؟؟؟والله انا نحبكم ...من محبة ابو سعد لكم الله يرحمه....
ام سلطان-والله موجودين بس لاهين...مع الجماعه والقرايب.....ولهيت ...بجناح العروس........وتلفتت ....الا
هي وينها ....؟؟؟
غاده- افا عليكِ ...اول تقهوي!!!...ويمدي على نجلا!!.....حست ام سلطان من طريقة نطقها لاسم نجلا ....ان
العلاقه بينهم ماش!!!وهي احساسها مايخيب....
ام سلطان-...والله هاذا من كثر ولهي عليها ..تعرفين هي مرت الغالي!!
غاده بتصنع...- وحتى هي والله تغليكم وتحبكم...بروح اناديها.......
جت غاده تقوم الا ودخلت الجازي...مبتسمه....احت وسلمت على ام سلطان.....
ام عادل – هاذي بنتي الثانيه ...الجازي....
الجازي –وشلونكِ..خالتي؟؟؟
ام سلطان- بخير الله يعافيكِ.....
طلعت غاده وهي مقهوره من ذا الغلا ...لنجلا......رقت الدرج وراحت ....لغرفة ولدها ..وتطمنت عليه
نايم......وبعدين على طول احت لغرفة نجلا ...ودخلت حتى بدون استأذان!!!!
نجلا بسرعه انتبهت لفتح الباب......وقلبها يدق ..كأنها بتشوف الوليد مو امه......
غاده –انصدمت من هول ماشافت.......ووقفت ..لحظات متبلمه.......
نجلا مرتبكه...- وش فيكِ؟؟؟هاااااه من جا؟؟خالتي تبيني؟؟؟؟؟؟
غاده-انزلي!!!...ام رجلكِ...تبيكِ.....تحت!!!!!!!!
نزلت نجلا ......وقلبها يرجف ......من الخوف.......دخلت عليهم وام عادل جتها حالة بنتها.........
ام سلطان- بسم الله ...تبارك الله ...وش ذا الجمال؟؟؟؟الله يحفظكِ....من العين...
نجلا اقبلت عليها وحبت راسها...
نجلا- الله يسلمك..ياخالتي....اخباركِ...انشالله بخير؟؟؟
ام سلطان عيونها على نجلا وزينها.....وفي بالها.......والله وربي عوضك يالوليد.....
ام سلطان- بخير يامي .......انتي وش علومتس...؟؟تعالي ..تعالي اجلسي بجنبي!!
نجلا جلست جنبها ...وابتسمت احلى ابتسامه.......
نجلا- والله الحمدالله...
الجازي قامت تقهوي .......ام سلطان........وقعدوا يسولفون شوي ........وغاده ميته من الغبنه مو هاذا الي
كانت متوقعته بيسير......
|||||||||
الجوهره...بعصبيه- يعني بتجيكم اليوم؟؟؟؟؟؟؟!!!!!!!
رنا- ايه امي راحت تجيبها!!!لا وتقول ياويل الي يكدرها!!!!!!
الجوهه ودمها يغلي...- والوليد...متى بيجي!!!!وبعدين ماتخافون انه يكون مايبيها تقعد في بيته؟؟؟؟؟؟
رنا- والله انكِ...ماعندكِ..سالفه..اذا ماقعدت في بيته ..وين تقعد...؟؟؟
الجوهره عصبت اكثر- تقعد في الزريبه الي هي عايشه فيها .....وانتي ليه كأنكِ...جايزتلكِ..جيتها ..لايكون
...بديتي تميلين لها؟؟؟؟
رنا- لا ملت لها ولا شي ....بس امي ..مره ..شكلها راح تعاملها على اساس انها ملكه مو مرت ولد طبينتها..(يعني ولد مرته السابقه)!!!!!
الجوهره يدها ضربت شي جامد ...وسمعت الضربه رنا...-..ياقهري!!!...اسمعي انا اليوم ..جايتكم!!!..
رنا فرحت- والله ؟؟تعالي تكفين..خلنا ..نقهرها شوي؟؟؟
الجوهره –وانا وش بيجيبني غير قهرها؟؟؟!!!!!لا وبخلي ..الاجتماع عندكم!!!..واليوم.......وراح يشوف الكل
الفرق بيني وبين بنت الفقر!!!!!!!
رنا ماعلقت ...لانها عارفه الفرق........وعارفه ان نجلا ......اجمل ......بمليون مره...من نعومة بنت عمتها!!!!ان كان جمال الجوهره ..هادي وناعم!!!!فجمال نجلا ..يذبح!!!!!
الجوهره- شوفي انا بسكر...الحين....والوعد في اليل!!!..وسكرت بدون ماتسمع رنا.......
ورنا ...سكرت وهي تقول- الله يستر....
|||||||||||||||||||||||||
امي نوره- هلا ببنيتي الغاليه!!!
الجوهره- هلا امي نوره..وينكم ....؟؟؟ماتسألون عني...؟؟؟ولا نسيتوني؟؟؟!!
امي نوره- ينساتس...الموت ومانساتس...ياالغاليه!!
الجوهره بوله مصطنع-..اخباركم ....واخبار خوالي.......
امي نوره –بخير ...كلهم ماعليهم ...انتي وش اخبارتس؟؟؟وعلومتس؟؟؟
الجوهره- والله اني مشتاقه لكم ..حيل....
امي نوره..-واحنا والله يابنيتي....اخبار جدتس...وخالتس؟؟؟
الجوهره- بخير....ماشي حالهم......سكتت شوي ....وكملت ........امي نوره!!!
امي نوره- هاااه يامي؟؟
الجوهره- اليوم انا بروح عند رنا........بتجيهم مرت الوليد...وكلمتني ....وقالتي ..اجيهم..وش رايكم ترحون لهم...
امي نوره ..- ورا ماتخلينها ليوم جمعتنا ..احسن!!
الجوهره- مايسير ..يامي نوره..البنت ..يتيمه ....والوليد مو معها......لازم تشوف احد حواليها!!!..قالتها ..وهي تغلي ..من القهر!!!!
امي نوره- والله انتس اصيله....ابشري ...الوعد ..هيناكِ...وانا ..بكلم خوالتس..وحريمهم......
الجوهره ..- طيب يامي نوره انا تامرين شي ..بروح ..اتجهز....
امي نوره – روحي بحفظ الله...
سكرت امي نوره ..والتفتت لبنتها.......ساره وحنان..شفتو ...شفتو بنت اختكم...تقول حرام نخلي البنت وهي يتيمه لحالها......والله وفيها الخير ...
ساره- ..طيب والحين بنروح اليوم ؟؟
امي نوره – ايه انشالله ...والتفتت لحنان ...
امي نوره- حنان قومي كلمي ..الجماعه وعلميهم انا بروح لام سلطان........
حنان- ابشري يمه...
||||||||||||||||||||||||||||||||||||||||||||||
في فندق
Lindner Grand Hotel Beau-Rivage
بسويسرا..
الوليد توه داخل ..السويت.........اخذ ملابسه وراح للحمام ياخذ شارو....... طلع ولقى طلال موجود...
طلال-نعيما ً..
الوليد- الله ينعم عليك...
طلال- والله اليوم ...الحمد الله ..راح اصعب شي ...
الوليد- لسه تونا على الصعب....باقي الاداره العليا....تشوف الموضوع...
طلال- وانشالله بتوافق ..المشروع ..مضمون ..نجاحه..وانا اخوك!!!
الوليد..لابس روب الحمام...ومنشفة صغيره على كتوفه....تناول عصاه ...ومشى لين ..قعد مواجه اخوه....
وناظره..بتركيز- شوف وانا اخوك التجاره مافيها شي اسمه مضمون .......
طلال- ايه والله ..حتى الحياه..شف انت ..انا كنت ..ضامن انك..مستحيل تتزوج.......وربي كتب انك..تتزوج!!!
الوليد ..طرت عليه نجلا...ورمشت عينه..
الوليد-..مافيه شي بعيد عن الله...
طلال –صدقت ...يللا بروح انا قريب ...اشوفك بعدين......
طلع طلال ....وهو تارك الوليد ..افكاره توديه وتجيبه....صورتها مافارقته....لا ليل ولا نهار......رفع يده لذقنه ...ليه يالوليد ..كل ماحاولت ..تنساها...تذكرها.....شبك اصابعه.....واسند ذقنه عليها......وعينه ماترمش.........حتى صوتها....حتى قربها..ماقدر يتحمله!!!!!!!!!!!!رنت في اذنه كلمتها.......
انا ابغى اطوي صفحاتك من حياتي!!!!!!!!
مسك المنشفه ....وقطرات المويه تقطر ..من خصلات شعرره...ورماها ...بأقوى ماعنده.......
البنت ماتبيك يالوليد....ماتبيك........!!!حتى الجوال الي عطيته لها...مافتحته الى الآن........
خاطبه ...احساس ...يصرخ...بس انــــــــــــــــــــا ابيهــــــــــــــــــــا... ...ابيــــــــــــــــــــــــــــــــــــــــــها .....
غرز اصابع يده بشعره.......مايدري..وش الي بلاه....من شاف البنت ...هاذي......واحاسيس...ومشاعر...جديده....طاغيه عليه.......هودايما ً ...مايرضى بالقليل...لا في شغله ...ولا بأي شي يتعلق بحياته........كل شي لازم يكون كامل.......وعلى اتم وجه!!
حب التملك .......لاصقن فيه.......يمكن عشان كل شي ماجاه بالساهل......وجده ماتنازله عن حلاله الا لما هو كون نفسه ..وبنى..له مركز ...ووجود..!!!!
..............
لايكون غرورك...بنفسك...مجروح...يالوليد؟؟؟
قام ...من مكانه ...وخذى جواله .......وضغط ...على رقم.......
طوووووووووووووووط................طووووووووووووووط. ...
|||||||||||||||||||||||||||||||
نجلا ..رقت غرفتها .......عشان ..تزيد اغراض ..في الشنطه ولا تبي الجازي تشوفها ........
وهي لاهيه...ترتبها........سمعت جوالها يدق.......ولا جاعلى بالها الا ام سلطان اكيد تأخرت عليها.......لها...اكثر...من ربع ساعه.......وام سلطان تستناها برا.....
تناولت الجوال وبالها مشغول ..تخاف تنسى أي شي ...من اغراضها الي تبيها........
نجلا ..بنعومه..وغنج...-هلا خالتي ...لاتواخذيني تأخرت عليكِ..؟؟؟؟
هدوووء
نجلا- الـــــووووو...
الوليد-..انا الوليد مو خالتكِ...
ارتبكت نجلا ...وتسارعت انفاسها...
الوليد- السلام عليكم ..
نجلا- وعليك السلام...
الوليد- ليه مقفله جوالكِ...؟؟
نجلا- وليه لازم افتحه؟؟ماني بحاجته؟؟
الوليد..بصوت جامد- دامكِ على ذمتي...بتكونين بحاجته!!!لاعاد تقفلينه؟؟
نجلا-..يكون خير!!
الوليد- ..قولي انشالله!!
نجلا بقهر-..يعني لازم ..وانا على ذمتك...اكون خانعه بعد!!!!آسفه مااقدر!!!
الوليد بصوت هاااااادي- يعني ماراح تفتحين الجوال؟؟؟
نجلا..خافت...بس اسلوبه نرفزها- لأ...ماراح افتحه لاني ماأبغاك تذكرني...بوضعي الي انا عايشه فيه كل شوي!!!
الوليد- ........نجلا.....لاتتكلمين معي بذا الاسلوب.......
نجلا خافت المره هاذي بجد..ولا علقت.....
الوليد- شفتي الظرف؟؟
نجلا- ايه..
الوليد- استخدمتي الي فيه...؟؟ولا بعد ماتبين فلوسي..أنا!!! تغنيك عن الكل؟؟؟
نجلا حست بأهانه...- وليه ماأبي ؟؟مو انا سلعه اشتريتها...؟؟انت؟؟؟لا ولا وش رايك بكلمة لعبه...مو احسن!!!
الوليد...عصب....لانه محذرها ...ولا نفع فيها....
الوليد- احسن ..انكِ..عارفه قدر نفسكِ..!!!!لعبه!!!!!لاتملك أي مشاعر!!!مجرد ..دميه...وراح احذفها متى مابغيت!!!!!
نجلا..انقهرت....وقلبها يدق بقوه....-..ماأسمحلك!!!..تهيني ...يالوليد!!
الوليد- تسمحين ولا ماتسمحين ..انتي نسيتي انكِ...لعبه؟؟؟؟سكت........لحظات ...كأنها ساعات بالنسبه لنجلا.......سمعت تنهيده ...منه.......وكمل........اسمعيني يانجلا.......بأسلوبكِ...هاذا......ماراح تلاقين مني ...الا الي سمعتيه ...تو...
كرهت نجلا ...غروره....واسلوبه....وقاطعته
نجلا-ومن قالك...اني ابي الآقي..منك أي شي!!!انا.....يالولي........وكملت وهي حاسه ان صوتها بيخونها.........انا حتى اسمك..ماابي انطقه!!!
عرق في الوليد نبض.......غمض عينه......
كملت نجلا .......ولسان قلبها يقول ....لا..تكملين!!!
نجلا- انا اكرهك......واكره ...اليوم الي شفتك فيه......واكره اللحظه ......الي ...عرفت بوجودك ....فيــــــــــــــــها!!!...بحيـــــــــــــــــ ـــاتي!!!
انفاسها تتسارع..........وعيونها ..ترمش...تبي ..تمنع الدمعه لاتهل...دموع القهر....مارد الوليد.......لانه قفل....وحذف الجوال...بأبعد مدى.......
..........
سمعت نجلا دق على الباب........
الجازي- يللا..يانجلا ....المره برا ..مع سواقها لها ساعه.......
نجلا- طيب ....
سكرت الشنطه........بسرعه وفتحت الباب.......
الجازي..-وش فيكِ...ليه البكا......لايكون عشان بتفارقيني!!
نجلا ضحكت...ونست الوليد.......
نجلا- اكيد ..وانتي تحسبي مفارقكِ...هين!!!
الجازي- هاذي حال الدنيا....تفرق وتجمع ....اهم شي نكون مبسوطين....وبعدين الجوالات ماخلت شي...
اذا بغيتيني...دقي وتلقيني....
نجلا – طيب ...ومشت لعبايتها ...تلبسها.....وساندرا ...خذت شنطتها.......من ماركة لويس فيتون.....
نزلت نجلا ....وقبل لاتنزل مرت علا اخوها نصوري ..وباسته وهو نايم.......
وهي طالعه مرت من عند غاده وام عادل......
نجلا- مع السلامه...ياغاده
غاده-...اي سلامه ...؟؟؟قولي؟؟؟...ودكِ تشوفيني مقهوره!!!لكن لد!!!...روحي خلي البيت ينظف!!!
نجلا..ماردت على سخريتها- اذا كلمكم اخوي...عطوه رقمي...
غاده- هاذا ان كلم تلقينه ماصدق يخلص من همكِ!!!!!!!!!
ناظرتها نجلا ....وهي ماله من ..اسلوبها....وعارفه انها حتى لو تكلمت ماراح ينفع فيها ابد!!!..التفتت للجازي.......
نجلا –مع السلامه يالجازي.......
الجازي- روحي بحفظ الكريم....ولا تنسين تكلميني!!!وتطمنيني عليكِ...
نجلا- ابشري.....
طلعت نجلا ...وعيونها ...تشوف كل ذكرى لها بهالبيت.......تتجسد امامها.........ذكريات كلها الم بألم.........طلعت وسكرت باب بيتهم.......وكأنها تنهي......سرد ذكرياتها.......وماتدري.....انها رايحه......لنارها الي بتحرقها....وبرجليها!!!!!!!!.....
......................................
ام سلطان توها مسكره من الجوال......التفتت لنجلا ......الي قاعده بجنبها....
ام سلطان- شفتي ؟؟من غلاتس..الكل يبي يجي يشوفتس...
نجلا وعينها على باب بيتهم.....- الله يحيهم...
ام سلطان- والله يابنتي ..ماشالله عليتس..تركناتس شهرن وحيد...وشوفي كيف احلويتي!!!بس هااااه لاوصيتس بالوليد ...تراه يستاهل كل خير...
نزلت راسها ...وببتسامة...استخفاف-..ابشري يخالتي......
||||||||
ام عادل-..راحت ..وراح الي بيخدمتس!!!
غاده- ايه والله يمه الحين ببحل بذا البيت....
ام عادل-احمدي ربتس...انها ناسيته...ولا طالبت فيه!!!اخوتس...يقول لو طالبت فيه.....بتطلعين منه بالساهل!!!
غاده ارتعبت- اشوى الحمدلله انها انقلعت...وياليتها تنسانا بعد!!!
ام عادل- المهم انا تراني بروح...لبت اخوتس...عادل.....والتفتت للجازي الي قاعده تناظرهم ...بتحسّف...
ام عادل- تروحين معي؟؟؟
الجازي- ايه بروح وش يقعّدني؟؟؟
غاده- هه...روحي عشان ماتقعدين لي تبكبكين ...من علوم رجلكِ......
الجازي بنرفزه- لا تجيبين طاري فهد على لسانكِ...
غاده رفعت يدها بستخفاف-يووووووووووه مره روعتيني....اجل صرتي تحبينه؟؟؟؟؟
الجازي- تكفين لاتستخدمين كلمه ماهي بموجوده بحياتكِ.......والتفتت لامها .....
الجازي- يمه انا بروح اجهز نفسي......واجهز ريوف!!!
وقامت وتركتهم.....
|||||||||||
ام خالد- والله قلتله...انّا نبي نشوف عياله ....ومافيها شي الشرع محلل اربع!!!
ابو خالد-...انا داري بالشرع....وتحسبين ماودي اشوف عيال ولدي؟؟؟؟انا مابي اكسر بخاطر بنت اخوي!!!
ام خالد- يعني الله يهديك ...لاسرت تبي لولدك...خلفه...بتكسر بخاطرها....هي ان كانت تحبه.......بترضى له بالزين...
ابوخالد-طيب ...الحين انتي ماخطبتي..بنت اختس الي صاجتنا بها؟؟؟؟؟؟
ام خالد-...الا خطبت بس ابيك تروح معه وتمم الخطبه....
ابو خالد- ومتى واعدتيهم؟؟
ام خالد- بعد بكره انشالله.......بس هاااااااه لاتعلم احد...والله ان درت خالتي...ان تقلب الدنيا فوق روسنا......
ابوخالد-..الله يكتب الي به الخير......اسمعي على طاري امي......تجهزوا اليوم بنروح.....لبيت ام سلطان ......مسوين الظاهر عشا لمرت الوليد...
ام خالد – ابشر ...وتكفى يابوخالد......كلم خالد ...خله يقتنع ...
ابو خالد-...يكون خير...
طلع ابو خالد للمسجد ....للصلاه......وهومار على جناح ولده.....طق الباب,,,بس مالقى جواب.......نزل وقرر يكلمه بكره......
||||||||||||||||||||||||||||||||||||||||||||||
في قصر الوليــــــــــــــد.....
ام سلطان .....دخلت نجلا الصاله.......
ام سلطان – ساندرا روحي نادي البنات...
ساندرا-..طيب مدام..
ام سلطان التفتت لنجلا..وسهت ....فيها...
ام سلطان ..-كانوااااااا
وبلحظه جتها كانو...
ام سلطان- خذي شنطه مدام وعبايتها.......ورقيها جناح ...مستر الوليد......
ارتجفت نجلا....وذكرت ان الوليد مو موجود اصلا ......وعلا بال مايجي تكون.......دبرت نفسها.....
ام سلطان- تبين ترتاحين ؟؟؟ترى وراتس ...سهره اليوم؟؟؟
نجلا- تسلمين...خالتي...ايه والله ابي اطلع ارتاح.......
سمر وهي نازله من درج كبيــــــــــر......وسط الصاله......تهلي...وترحب.......
سمر- واااااااااااااااااااااااااااااااااااااااو...ايش الحلا هذا.......هاااااااااااااااااي...مرت اخوي؟؟؟اخباركِ.......
نجلا –من بعض ماعندكم.......وسلمت عليها,,,,,,
سمر- بالاحضان .......بالحضان...يامرت الحبيب.......كيفكِ......وليه قطعتينا لاحس ولا خبر؟؟؟؟؟؟؟؟
ام سلطان- شوي شوي على البنت ......
نجلا- ابد خالتي خلها تاخذ راحاتها..........والله اني ياسمر اسأل خالتي دايم عنكم....
سمر انبهرت بجمالها....- تغيرتي!!!!!!!
نجلا احمرت خدودها......وابتسمت بدلع- كيف تغيرت؟؟؟
سمر-زاد وزنكِ....كيذى تمام ..لا تنحفين؟؟؟شكلك يجنننننننننننننن...؟؟؟
رنا طلعت من المصعد-..وش عندكم ليه الصراخ؟؟؟؟جت عينها على نجلا.....وفتحتها على الآخر......ولسان عقلها ينطق......الله يعينـــــــــــــــــــك ...يالجوهره......على الي بتشوفينه.......
رنا...وهي تمط كلامها-اهليـــــــــــــــــــــــــــــــــــن!!!
ام سلطان- سلمي زي العالم!!!
رنا..ابتسمت...بتكلف-هلا نجلا وش اخباركِ؟؟؟؟؟
نجلا تجاهلت كره رنا لها-...بخير..انتي وش علومكِ؟؟؟
رنا- الحمدلله...والتفتت ...
رنا –يمه ترى الجوهره بتجي الحين!!!!!قالتها وعينها على نجلا.........
ام سلطان- عندي علم...مو الجوهر وبس الكل بيجي اليوم......التفتت لنجلا......
ام سلطان- هااه يمه تروحين تريّحين شوي؟؟؟؟
نجلا- ايه ..ياخالتي ...بروح....
ام سلطان –سمر ودي مرت اخوتس......لجناحها....خلها ترتاح...
سمر- انشالله يمه.......تعالي نجلا.......
راحت نجلا مع سمر.........
ام سلطان- انتي ماتتغيرين...ولا ينفع فيتس!!!!
رنا- ليه يمه وش سويت..؟؟؟؟؟موقلتيلي سلمي وسلمت!!!!!!
ام سلطان- انتي الي مناديه الجوهره؟؟؟؟؟؟؟
رنا-لاوالله يمه هي الي قالت بجي!!!
ام سلطان- والله يارنا ان شفتها مضيقتن..... صدر نجلا ماتلومين الا نفستس!!!!!!؟؟؟؟؟؟؟
.................
سمر –تعالي من هينا.......
دخّلت...سمر جناح الوليد.......ووراها نجلا.......المنبهره بكل الي تشوفه......!!!!
سمر- يللا...اترككِ...ترتاحين......واذا بغيتي.....شي اضغطي الزر الي بجنب السرير......
نجلا- مشكور ....ياسمر......
راحت سمر وقفلت الباب وراها........اما نجلا ...تلفتت هينا وهيناك....وعيونها مبهوره بذا العز الي ...بتعيش فيه.......مشت لين دخلت غرفه على يده اليمين...ومشت بممر...مفروش.......بعنابي....والجدران معتقه بذهبي وسكري.........قربت من الباب...وانفتح اتوماتيكياً.......دخلت وشافت ......
